Долна Враштица
село во Општина Конче From Wikipedia, the free encyclopedia
село во Општина Конче From Wikipedia, the free encyclopedia
Долна Враштица — село во Општина Конче, во околината на градот Радовиш. Селото е иселено и според пописот од 2002 година нема жители.
Долна Враштица | |
Поглед на селото Долна Враштица од патот покрај езерото Мантово | |
Координати 41°35′17″N 22°20′25″E | |
Регион | Југоисточен |
Општина | Конче |
Население | 0 жит. (поп. 2021)[1] |
Пошт. бр. | 2424 |
Повик. бр. | 032 |
Шифра на КО | 22011 |
Надм. вис. | 549 м |
Долна Враштица на општинската карта Атарот на Долна Враштица во рамките на општината | |
Долна Враштица на Ризницата |
Селото се наоѓа на северните падини на Смрдеш. Во близина на селото е Горна Враштица. Селото е сместено веднаш над патот кој се движи покрај вештачкото езеро Мантово. Патот покрај езерото Мантово бил изграден во 2013 година, со што општината Конче се поврзала со Општина Штип.[2]
Во 2013 година селото за првпат во своето постоење добило електрична енергија.[3]
Селото во XIX век било дел од Радовишката каза на Отоманското Царство.
|
| |||||||||||||||||||||||||||||||||
Според податоците на бугарскиот етнограф Васил К’нчов („Македонија. Етнографија и статистика“) од 1900 година, селото имало 125 жители, сите Македонци.[4] По податоци на секретарот на егзархијата, Димитар Мишев („La Macédoine et sa Population Chrétienne“) во 1905 година во селото Долна Враштица (Dolno-Vrachtitza) имало 144 Македонци.[5]
Според германска карта издадена во 1941 година, а заснована на пописот на Кралството Југославија од 1931 година, селото имало 100 Македонци.[6]
Селото било целосно напуштено во текот на 1980-тите години.
Според пописот во 2002 година, селото Долна Враштица било целосно раселено и немало постојано население.[7] Истото било потврдено и на пописот од 2021 година.
Во табелата во продолжение е направен преглед на населението во сите пописни години:
Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
---|---|---|---|---|---|---|---|---|---|---|---|
Население | 125 | 144 | 117 | 113 | 98 | 56 | 4 | 0 | 0 | 0 | 0 |
Долна Враштица било македонско село. Селата Горна и Долна Враштица ги основале двајца браќа многу одамна. Родовите во селото се сметаат за староседелци.[12]
Според истражувањата од 1928 година, родови во селото:
Селото влегува во рамките на Општина Конче, една од ретките општини во Македонија, која не била променета по новата територијална поделба на Македонија во 2004 година. Во периодот од 1996-2004 година, селото било исто така во рамките на Општина Конче.
Во периодот од 1965 до 1996 година, селото се наоѓало во рамките на големата општина Радовиш. Селото припаѓало на некогашната општина Радовиш во периодот од 1955 до 1965 година.
Во периодот 1952-1955, селото било во рамките на тогашната Општина Ињево, во која покрај селото Долна Враштица, се наоѓале и селата Бучим, Воиславци, Горна Враштица, Дамјан, Дедино, Ињево, Погулево, Сулдурци и Топалница. Во периодот 1950-1952, селото било дел од Општина Ињево, во која влегувале селата Горна Враштица, Долна Враштица, Дамјан, Ињево и Погулево.
Селото е опфатено во избирачкото место бр. 1617 според Државната изборна комисија, сместени во просториите на основното училиште на селото Габревци.[13]
На претседателските избори во 2019 година, на ова избирачко место биле запишани вкупно 253 гласачи.[14]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.