Горица (Албанија)

Горица или Корча (албански: Korçë, грчки: Κορυτσά, влашки: Cоrceaо, турски: Görice) — град и општина во истоимената област во рамките на Горичкиот округ во југоисточниот дел на Албанија. Општината е создадена во 2015 г. со спојување на дотогашните општини Дреново, Горица, Лејка (Лекас), Дворани, Булгарец, Високуќи (Виткуќ), Воскоп и Москополе, кои станале општински единици.^[1] Според пописот од 2011 г. населението на сегашната општина брои 75.994 жители, а тогашната општина зафаќала 805.99 км².^[2] Според истиот попис, тогашата општина броела 51.152 жители.^[3]. Ова е шести град по големина во Албанија. Сместен е на висорамнина на надморска височина од 850 м, обиколена од планината Морава.

Горица
Општина
Поглед кон Горица
Амблем
Горица
Координати: 40°37′N 20°46′E
Држава	Албанија
Област	Горица
Округ	Горица
Основан	15 век
Управа
• Градоначалник	Сотираќ Фило
Надм. вис.	&10000000000000850000000850 м
Население (2013)
• Вкупно	51.683
Час. појас	CET (UTC+1)
• Лето (ЛСВ)	CEST (UTC+2)
Поштенски број	7001-7004
Повик. бр.	(+355) 082
Рег. таб.	KO
Мреж. место	bashkiakorce.gov.al

Градот денес

Градот и црквата „Воскресение Христово“

Во Горица живее голема влашка заедница, како и бројно македонско население кое говори на својот горички дијалект. а исто така и голем број на православни етнички Албанци. Локалното радио од овој град емитува и програми на македонски јазик наменети за етничките Македонци од тој крај. Од 2010 година во Горица зрачи и локална телевизија (ТВ Кристал) на македонски јазик.^[4]

Во Горица било отворено првото училиште на албански јазик во 1887 г., а во 1891 г. било отворено и првото училиште за девојчиња од страна на влашкиот учител Хараламбие Баламачи (подалечен роднина на Константин Белемаче, авторот на влашката химна), кој по отворањето на училиштата за Албанците, отворил и повеќе влашки училишта во Горица.

Во 2000-те е отворено и првото училиште на македонски јазик со поддршка од партијата Македонска алијанса. Од 2015 г. во градот се одржува и македонскиот фолклорен фестивал „Сонце“.

Име

Градот е именуван различно во други јазици: грчки: Κορυτσά, Koritsá; италијански: Coriza; турски: Görice.

Збратимени градови

• Солун, Грција
• Клуж-Напока, Романија
• Митровица, Косово
• Верона, Италија
• Лос Алкасарес, Шпанија

Поврзано

• Горички дијалект

Наводи

1. Law nr. 115/2014
2. „Interactive map administrative territorial reform“. Архивирано од изворникот на 2017-01-12. Посетено на 2015-08-07.
3. „Резултати од пописот во 2011 г.“ (PDF). Архивирано од изворникот (PDF) на 2015-09-24. Посетено на 2015-08-07.
4. Цветаноски, Љупчо (17 ноември 2010). „ТВ Кристал - Македонски јазик во албанскиот етер“. Сител. Посетено на 2011-04-22.

Надворешни врски

„Горица (Албанија)“ на Ризницата ?

• Македонски имиња на места во Албанија Архивирано на 27 септември 2007 г.
• Словенски јазични реликти во Албанија Архивирано на 23 септември 2006 г. (српски)
• Фестивал на пивото Архивирано на 26 август 2013 г. (англиски)
• Општина Горица (албански)