село во Општина Карбинци From Wikipedia, the free encyclopedia
Голем Габер — мало село во областа Јуруклак, во Општина Карбинци, сместено во околината на градот Штип.
Голем Габер | |
![]() Поглед кон селото | |
Координати 41°45′02″N 22°18′14″E | |
Регион | ![]() |
Општина | ![]() |
Област | Јуруклак |
Население | 20 жит. (поп. 2021)[1] |
Пошт. бр. | 2207 |
Повик. бр. | 032 |
Шифра на КО | 30007 |
Надм. вис. | 450 м |
![]() |
Ова мало село се наоѓа во областа Јуруклак, во јужниот дел на територијата на Општина Карбинци, а на југозападните ограноци на планината Плачковица.[2] Селото е ридско, на надморска височина од 450 метри. Од градот Штип е оддалечено 13,5 километри.[2]
Во XIX век, Голем Габер било село во Штипската каза на Отоманското Царство.
Атарот зафаќа простор од 7,4 км2. На него преовладуваат пасиштата на површина од 359 хектари, на шумите отпаѓаат 180 хектари, а на обработливото земјиште 101 хектар.[2]
Селото, во основа, има полјоделско-шумарска функција.[2]
|
| |||||||||||||||||||||||||||||||||
Според податоците на Васил К’нчов („Македонија. Етнографија и статистика“) од 1900 година, во селото имало 400 жители, сите Турци.[3] Според Димитар Гаџанов, во 1916 година во селото живееле 180 жители, сите Турци.[4]
Според германска карта издадена во 1941 година, а заснована на пописот на Кралството Југославија од 1931 година, селото имало 200 Турци.[5]
Селото е мало и уште во 1961 година броело само 58 жители, додека во 1994 година бројот се намалил 43 жители, турско население.[2]
Според пописот од 2002 година, во селото Голем Габер живееле 32 жители, сите Турци.[6]
Според последниот попис од 2021 година, во селото живееле 20 жители, од кои 17 Турци и 3 лица без податоци.[7]
Во табелата во продолжение е направен преглед на населението во сите пописни години:
Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
---|---|---|---|---|---|---|---|---|---|---|---|
Население | 400 | — | 153 | 178 | 58 | 53 | 49 | 40 | 43 | 32 | 20 |
Селото влегува во рамките на Општина Карбинци, која била една од ретките општини кои не биле променети по новата територијална поделба на Македонија во 2004 година. Во периодот од 1996-2004 година, селото исто така се наоѓало во Општина Карбинци.
Во периодот од 1965 до 1996 година, селото се наоѓало во рамките на големата општина Штип. Селото припаѓало на некогашната општина Штип во периодот од 1957 до 1965 година. Во периодот од 1955 до 1957 година селото се наоѓало во рамките на тогашната општина Радање.
Во периодот 1952-1955, селото било дел од тогашната Општина Радање, во која покрај селото Голем Габер, се наоѓале и селата Вртешка, Ебеплија, Јунузлија, Калапетровци, Калаузлија, Кепекчелија, Кошево, Курфалија, Кучилат, Кучица, Мал Габер, Мичак, Муратлија, Никоман, Оџалија, Почивало, Прналија, Радање и Шашаварлија. Селото припаѓало на Општина Радање во периодот 1950-1952, во која влегувале селата Голем Габер, Јунузлија, Калаузлија, Кепекчелија, Кучилат, Курфалија, Мал Габер, Оџалија, Радање и Таринци.
Во селото постои избирачкото место бр. 2327 според Државната изборна комисија, сместено во просториите на приватна куќа.[12]
На претседателските избори во 2019 година, на ова избирачко место биле запишани вкупно 28 гласачи.[13]
На парламентарните избори во 2020 година, на ова избирачко место биле запишани вкупно 29 гласачи.[14]
Во минатото во селото постоела џамија, од која денес е зачувано само минарето.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.