Бијафра (залив)
залив во Западна Африка From Wikipedia, the free encyclopedia
залив во Западна Африка From Wikipedia, the free encyclopedia
Бијафра (англиски: Bight of Biafra; француски: golfe du Biafra) или Бониски Залив (англиски: Bight of Bonny, француски: golfe de Bonny) — залив на западноафриканскиот брег, во најисточниот дел на Гвинејскиот Залив.
Бијафра Bight of Bonny Golfe du Biafra | |
---|---|
Заливот Бијафра на карта. | |
Координати | 2°50′N 8°0′E |
Речни извори | Нигер |
Океански/морски извори | Гвинејски Залив Атлантски Океан |
Сливни земји | Нигерија, Камерун, Екваторска Гвинеја, Габон[1] |
Најг. должина | 300 км |
Најг. ширина | 600 км |
Острови | Биоко |
Заливот Бијафра или Мафра (наречен по градот Мафра во јужна Португалија), помеѓу ’ртовите Формоса и Лопес, и е најисточниот дел од Гвинејскиот Залив; ги опфаќа островите Фернандо По [Екваторска Гвинеја], Саун Томе и Принсип. Сè до подоцнежниот дел на XIX век името се однесувало и на денешната земја Камерун, но потоа излегло од употреба.[2] На карта од 1710 г. е посочена област „Бијафар“ (Бијафра) на територијата на денешен Камерун.
Заливот се протега на источно од Бенинскиот Залив, од делтата на реката Нигер на север до ’ртот Лопес во Габон.[3] Други поважни реки кои се влеваат во заливот се Крос (Ојоно), Вури, Калабар, Ндијан, Вури, Санага, Њонг, Нтем (Кампо), Мбија, Мбини (Бенито), Муни и Комо.[1]
Поголеми острови во заливот се Биоко и Принсип; помали се Бом Бом, Каросу, Голем Елобеј и Мал Елобеј.[1] На него излегуваат Нигерија (источен брег), Камерун, Екваторска Гвинеја (Биоко и Рио Муни) и Габон (северен брег).
Во времето на ропството, од заливот Бијафра се извезени 1,6 милиони робови, што сочинува 13% од обемот на трговијата со робје во Западна Африка. Бенинскиот Залив на запад учествувал со 17%, а подрачјето од средна до јужна Африка со 48% од робовите.[4]
Кон средината на XVIII век, Бони станало значајној роботрговско пристаниште на заливот, надминувајќи ги претходно најпрометните роботрговски пристаништа во Елем Калабари (Нов Калабар) и Стар Калабар (Аква Акпа). Овие три пристаништа имале 90% од обемот во трговијата со робје од заливот Бијафра.[5][6]
Помеѓу 1525 и 1859 г. главна роботрговска сила во заливот била Британија, од каде се испорачани две третини од робовите во Новиот Свет.[7]
Меѓутоа, во 1807 г. Велика Британија со закон ја забранила меѓународната трговија со робје и ја испратила воената морнарица сосила да ги спречува роботрговците од САД, Франција, Шпанија, Португалија, Холандија, Западна Африка и Арабија.[8]
Earlier, in 1777, Portugal transferred control of Фернандо По и Анобон to Spanish suzerainty thus introducing Spain into the early colonial history of the Bight of Biafra.[9]
На 30 јуни 1849 г. Британците воспоставиле воено влијание врз заливот со изградба на поморска база и конзулат на островот Фернандо По.[10]
На 6 август 1861 г. заливот Бијафра и соседниот Бенински Залив (под управа на британски конзули) се соединиле во еден британски конзулат.
Во 1967 г. Источниот Регион на Нигерија се отцепил од државата и го усвоил името на заливот, прогласувајќи независна Република Бијафра. Државата била краткотрајна поради претрпениот пораз во Ниериската граѓанска војна. Во 1975 г. нигериската влада со указ го сменила името на заливот од Бијафра во Бониски Залив.[11]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.