![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a1/Evening%252C_Nile_River%252C_Uganda.jpg/640px-Evening%252C_Nile_River%252C_Uganda.jpg&w=640&q=50)
Бел Нил
река во Африка, притока на Нил / From Wikipedia, the free encyclopedia
Бел Нил (арапски: النيل الأبيض ен-Нил ел-абјад) — река во Африка, една од двете главни притоки на Нил, заедно со Синиот. Наречен е според бојата на глината што ја носи водотекот.[2]
Бел Нил Викториски Нил, Албертски Нил, Планински Нил | |
---|---|
![]() | |
Изворно име | النيل الأبيض (арапски) |
Местоположба | |
Земји | Судан, Јужен Судан, Руанда, Танзанија, Уганда, ДР Конго |
Градови | Џинџа (Уганда), Џуба (Ј. Судан), Картум (Судан) |
Физички особености | |
Извор | Бел Нил |
• место | Руанда |
• координати | 2°16′55.92″S 29°19′52.32″E |
Должина | 3.700 км[1] |
Големина на сливот | 1.800.000 км2 |
Проток | |
• просечен | 878 м3/с |
Особености на сливот |
![Thumb image](http://upload.wikimedia.org/wikipedia/commons/thumb/9/9c/Sudan_Juba_bridge.jpg/640px-Sudan_Juba_bridge.jpg)
Во потесна смисла, поимот Бел Нил се однесува на реката која настанува кај езерото Но, во утоката на реките Бахр ел-Џебел и Бахр ел-Газал. Во поширока смисла истиот поим ги опфаќа сите теченија кои се одлеваат од езерото Викторија сè до спојот со Синиот Нил. Овие повисоки водотеци се нарекуваат Викториски Нил (преку езерото Кјога до Алберт), Албертски Нил (до границата со Јужен Судан), а потоа Планински Нил или „Бахр ел-Џебел“ (до езерото Но).[3] Напати „Бел Нил“ ги вклучува и изворите на езерото Викторија, од кои најоддалечениот е на 3.700 км од Синиот Нил.[1]
Белиот Нил е истражен од Европејците во XIX век, во обид да го пронајдат изворот на Нил. Вистинскиот извор на Белиот Нил е откриен дури во 1937 г. кога германскиот истражувач Буркхарт Валдекер успеал да дојде до поток во Рутову во подножјето на планината Кикизи.[4]
![Thumb image](http://upload.wikimedia.org/wikipedia/commons/thumb/f/fb/White_and_Blue_Nile-mk.svg/320px-White_and_Blue_Nile-mk.svg.png)