Бездомништво во Холандија ― растечки општествен проблем во Холандија, кој влијаел на 32.000 луѓе во 2018 година. Бројот на бездомници бил зголемен помеѓу 2009 и 2019 година.[1][2]
Во 2015 година, 31.000 луѓе немале постојано место за престој, 13.000 повеќе отколку во 2009 година (74% зголемување во текот на 6 години).[3] Зголемувањето на незападното доселеничко население било поголемо, околу 100%.[3] Особено кај младите, бездомништвото е на високо ниво. Помеѓу јануари 2015 и 2016 година, бездомниците меѓу луѓето на возраст од 18 до 30 години се зголемиле од 8.000 на 12.400,[4] што претставува зголемување од 55% за само една година. Во 2018 година, бројот на бездомници бил искачен на 39.300.[5]
Во меѓународна споредба, процентот на бездомништво меѓу законските жители на Холандија (0,18%) е еднаков на бездомништвото во Соединетите Држави (0,18%), малку понизок отколку во Франција (0,21%), па дури и понизок отколку во Обединетото Кралство ( 0,31%) и Германија (0,35%). Службените статистички податоци за бездомниците во Холандија се собрани од Централната статистичка служба и не вклучуваат број на луѓе кои живеат во Холандија кои се бездомници, но немаат законски статус на доселување во земјата.[3]
Неколку организации во Холандија, како Армијата на спасот, нудат места за престој за една ноќ.[6] Причините поради кои многу бездомници не сакаат да спијат во засолништа, понекогаш дури и кога е многу ладно надвор, вклучуваат големо пијанство меѓу жителите, тепачки, врескање, полово вознемирување и крадење на лични имоти од страна на жителите на засолништата.[7]
Бездомниците спијат по улици, улички, под мостови, во полиња, дини, покрај автопатишта, во шуми или незаконски влегуваат во згради.[7] Бројот на надворешни жители е поголем во лето отколку во зима, кога се нудени дополнителни места во засолништата. Незаконски е да се спие без дозвола на имот што не е сопствен, па бездомниците редовно се казнувани.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
