Аспасија

Аспасија (Aspasia; старогрчки: Ἀσπασία; околу 470 пр.н.е.^[1][2] во Милет; † 400 пр.н.е.^[1][3] во Атина) — влијателен имигрант во Атина која била придружник на државникот Перикле.

Откриена во 1777 година, оваа мермерска херма е римска копија на оригиналот од 5 век п.н.е. и е можно да претставува погребна стела на Аспасија.

Животопис

Аспасија и Перикле имале син со име Перикле Младиот, но сите детали за нивниот брачен статус не се познати. Според Плутарх, нејзината куќа станала интелектуален центар во Атина, привлекувајќи ги најистакнатите писатели и мислители, вклучувајќи го и филозофот Сократ. Исто така, се сугерира дека учењата на Аспасија влијаеле врз Сократ. Така, од неа Сократ ја изучувал поезијата, Платон философијата, а Перикле говорништвото.^[4] Аспасија била спомената во пишувањето на филозофите Платон, Аристофан, Ксенофонт и други автори од тоа време. Иако таа го поминала поголемиот дел од својот живот во Грција, само неколку детали од нејзиниот живот се целосно познати. Улогата на Аспасија во историјата обезбедува клучен увид за разбирањето на жените на Стара Грција. Многу малку се знае за жените од нејзиниот временски период. Всушност, еден научник изјавил дека, да се поставуваат прашања за Аспасија, е да се поставуваат прашања за половина од човештвото.^[5]

Наводи

1. D. Nails, The People of Plato, 58–59
2. P. O'Grady, Aspasia of Miletus Архивирано на 1 декември 2006 г.
3. A.E. Taylor, Plato: The Man and his Work, 41
4. Јован Дучић, Благо Цара Радована (друго издање). Београд: Laguna, 2018, стр. 166.
5. M. Henry, Prisoner of History, 9.

[[Категорија:Јован Зонара