американска пејачка и глумица From Wikipedia, the free encyclopedia
Сабрина Енлин Карпентер (англ. Sabrina Annlynn Carpenter; родена на 11 мај 1999 година) ― американска пејачка и глумица. Првата глумечка улога ја имала во 2011 година во крими-серијата „Закон и ред: Специјална единица за жртви“. Во 2013 година глумела во ситкомот „Игрите на Гудвин“. Станала позната по нејзините улоги на Дизни каналот: „Девојката го запознава светот“ (2014–2017) и „Авантурите на дадилката“ (2016). Таа глумела во филмовите: Рогови (2013), The Hate U Give (2018), Кратка историја на долгиот пат (2019), Облаци (2020) и Брза помош (2022), како и во Нетфликсовите филмови: Висока девојка (2019), Висока девојка 2 (2022) и Work It (2020).
Во 2014 година Карпентер потпишала договор со Hollywood Records и го издала нејзиниот прв сингл „Can't Blame a Girl for Trying“ по кој следело и истоименото EP. Во 2010-тите ги издала студиските албуми: Eyes Wide Open (2015), Evolution (2016), Singular: Act I (2018) и Singular: Act II (2019).
Во 2021 година преминала во Island Records и го издала синглот „Skin“, нејзина прва песна која се пласирала на Billboard Hot 100 топ-листата. Во 2023 година била воведен изведувач за Тејлор Свифт на концертите од турнејата Eras Tour. На нејзиниот албум, Short n' Sweet (2024), му претходеле сингловите „Espresso“ и „Please Please Please“; двете песни високо котирале на топ-листите во многу земји.
Сабрина Енлин Карпентер[4] е родена на 11 мај 1999 година[5] во Квакертаун, Пенсилванија. Детсвото го поминала во Ист Гринвил.[1][5] На околу 10-годишна возраст на YouTube почнала да објавува видеа на кои пеелa песни од Кристина Агилера и Адел.[6] Во 2009 година завршила на трето место на натпреварот по пеење организиран од Мајли Сајрус, The Next Miley Cyrus Project.[7]
Првата глумечка улога Карпентер ја имала во 2011 година како гостин во серијата „Закон и ред: Специјална единица за жртви“.[7] [8] Истата година настапила во Кина на Gold Mango Audience Festival, пренесуван во живо на кинеската телевизија Хунан. Таму ја испеала песната од Ета Џејмс „Something's Got A Hold On Me“, но во верзијата од Кристина Агилера од филмот Бурлеска.[7][9] Летото 2012 година, Карпентер имала повторлива улога во ситкомот Игрите на Гудвин.[10] Глумела во филмот Рогови (англ. Horns; 2013) и за компилацискиот албум Disney Fairies: Faith, Trust, and Pixie Dust, инспириран од филмскиот серијал Disney Fairies ја снимила песната „Smile“;[11] песната се пласирала на топ-листата на Радио Дизни.[12] Карпентер ја глумела принцезата Вивијан во серијата Софија Прва, за која заедно со со Ариел Винтер ја извела песната „All You Need“. [13]
Во јануари 2013 година, Карпентер ја добила улогата на Маја Харт во Дизниевата серија „Девојката го запознава светот“.[14][15] Серијата имала 72 епизоди и завршила со емитување на 20 јануари 2017 година.[16] Заедно со нејзиниот колега Рован Бланчард, Карпентер ја снимила тематската песна за серијата.[17] Во 2014 година, Карпентер потпишала договор за пет албуми со издавачката куќа во сопственост на Дизни, Hollywood Records.[18] Во март 2014 година, Карпентер го издала нејзиниот прв сингл „Can't Blame a Girl for Trying“; котекстописец на песната била Меган Трејнор.[19] Синглот добил позитивни критики и имал ист наслов со првото EP од Карпентер објавено во април 2014 година.[20][21][22] Во јули 2014 година, Карпентер била водечка пејачка на групата Disney Channel Circle of Stars која ја испеала преработката на песната „Do You Want to Build a Snowman?“.[23] За Дизниевиот филм How to Build a Better Boy, премиерно прикажан во август 2014 година, Карпентер ја снимила песната „Stand Out“.[24] Истата година го издала нејзиниот прв божиќен сингл „Silver Nights“.[25]
Во јануари 2015 година, Карпентер ја издала песната „We'll Be the Stars“.[26] Песната била водечки сингл од нејзиниот прв студиски албум Eyes Wide Open, издаден на 14 април 2015 година.[27] Албумот првенствено бил тинејџерски поп албум со елементи на поп-фолк.[28] Албумот добил позитивни критики и освоил две „Радио Дизни“ награди.[10][29] Во декември 2015 година, Карпентер го издала нејзиниот втор божиќен сингл, „Christmas The Whole Year Round“.[30]
Во февруари 2016 година, Карпентер го издала синглот „Smoke and Fire“.[11] Во јуни 2016 година, заедно со Софија Карсон глумела во Дизниевиот филм Авантурите на дадилката (англ. Adventures in Babysitting).[31] За филмот, двете глумици ја испеале тематската песна „Wildside“.[32] Подоцна истата година, во театарот во Пасадена глумела во претставата Петар Пан и Ѕвончица: Пиратски Божик.[33] Во август, Карпентер одржала самостоен концерт на фестивалот Музикфест во Витлеем.[34] Таа го позајмила гласот на Мелиса Чејс во филмот Марфиевите закони на Мајло (англ. Milo Murphy's Law).[35]
Во октомври 2016 година, Карпентер го издала нејзиниот втор студиски албум, Evolution кој дебитирал на 28-мо место на Билборд 200.[36] Од албумот биле издадени два сингла: „On Purpose“ и „Thumbs“; „On Purpose“ бил номиниран за „Радио Дизни“ награда,[37] а „Thumbs“ се искачил на прво место на Билбордовата топ-листа Bubbling Under Hot 100 и подоцна бил сертифициран со платинест тираж од страна на Здружението на музичките сниматели на Америка (RIAA).[12] Есента 2016 година, Карпентер ја започнала нејзината прва концертна турнеја, Evolution Tour.[14]
Во март 2017 година, Карпентер снимила тематската песна за серијата Енди Мек (англ. Andi Mack).[38] Во мај, Карпентер соработувала со диџејот Мајк Пери и заедно со The Vamps гостувала на синглот "Hands".[39] Летото истата година, Карпентер ја започнала нејзината втора концертна турнеја, De-Tour.[40] Таа била воведен изведувач на Аријана Гранде на нејзината турнеја „Dangerous Woman“ во Сао Паоло.[41]
Во декември, Карпентер објавила преработка на песната „Have Yourself a Merry Little Christmas“.[42] Истата година, таа ги објавила преработките на „Sign of the Times“ и „You're a Mean One, Mr. Grinch“ со британската пејачка Џесмин Томпсон и виолинистката Линдзи Стирлинг, соодветно.[43]
На 9 ноември 2018 година, Карпентер го издала нејзиниот трет студиски албум, Singular: Act I, кој добил позитивни критики.[44] Карпентер соопштила дека албумот ќе биде поделен на два дела и дека вториот дел ќе биде објавен на почетокот од 2019 година.[45] Двата сингла од албумот: „Almost Love“ и „Sue Me“, се искачиле на прво место на топ-листата за клубски денс-песни.[46] На албумот му претходеле два промотивни сингла : „Paris" и „Bad Time“.[47][48]
Во март 2019 година, Карпентер ја започнала нејзината трета концертна турнеја, Singular Tour.[49] Во јуни 2019 година, глумела во филмот „Кратка историја за долгиот пат“ (англ. The Short History of the Long Road).[50] Филмот премиерно бил прикажан на Филмскиот фестивал „Трибека“, а Карпентер била пофалена за нејзината улога.
На 19 јули 2019 година, Карпентер го издала нејзиниот четврти студиски албум, Singular: Act II.[51] Од албумот биле објавени три сингла: „Pushing 20“, „Exhale“ и „In My Bed“.[52] За да го промовира албумот, Карпентер настапила на летната концертна серија Good Morning America и пред објавувањето на албумот објавила промотивен сингл под наслов „I'm Fakin“.[53] [54] Во септември 2019 година, Карпентер глумела во филмот Висока девојка (англ. Tall Girl).[27]
Во февруари 2020 година, Карпентер објавила R&B сингл под наслов „Honeymoon Fades“.[55] Еден месец подоцна, дебитирала на Бродвеј во мјузиклот Злобни девојки (англ. Mean Girls).[56] Претставата била прекината на средина од март 2020 поради пандемијата од COVID-19 и затворањето на Бродвејските театри. На 7 јануари 2021 година, било објавено дека претставата нема повторно да биде поставена на Бродвеј дури и кога се создале услови за повторно отворање на театрите на Бродвеј.[57][58] Карпентер имала повторлива улога во ТВ-серијата Royalties, а за саундтракот на серијата ја извела песната „Perfect Song“.[59]
Во јули 2020 година, Карпентер за филмот Work It го издала синглот „Let Me Move You“; таа глумела и била извршен продуцент на филмот,[60] а за улогата добила претежно позитивни критики.[61][62] Во октомври, Карпентер глумела во филмот Облаци (англ. Clouds), заснован на животот на Зак Собих.[36] Таа придонела и за саундтракот на филмот.[63] Во декември 2020 година, Карпентер се појавила на списокот од Форбс „30 под 30“ (англ. 30 Under 30) во категоријата „Холивуд и забава“.[64]
Во јануари 2021 година, Карпентер објавила дека потпишала договор со Island Records.[65] Нејзиниот прв сингл со новата издавачка куќа бил „Skin“, објавен на 22 јануари 2021 година.[66] Песната дебитирала на 48. место на Billboard Hot 100, што бил нејзин прв пласман на оваа топ-листа.[67]
На 9 септември 2021 година, Карпентер го издала „Skinny Dipping“, водечки сингл од нејзиниот петти студиски албум.[68] На 18 февруари 2022 година го издала следниот сингл, „Fast Times.[69] Истиот месец се појавила во филмот Висока девојка 2.[70][29] Во 2022 година, Карпентер глумела во комедијата „Брза помош“ (англ. Emergency), премиерно прикажан во јануари 2022 година на филмскиот фестивал Санденс.[71][72]
На 15 јули 2022 година, Карпентер го издала нејзиниот петти студиски албум, Emails I Can't Send.[73] Албумот бил дополнително промовиран со сингловите: „Vicious“[74] и „Nonsense“.[75] Во септември 2022 година, Карпентер започнала турнејата Emails I Can't Send.[76][77]
Во март 2023 година, Карпентер објавила луксузно издание на Emails I Can't Send.[78] Една од бонус-нумерите, „Father“, била објавена во август 2023 година како последен сингл од албумот.
Во јуни 2023 година, било објавено дека Карпентер ќе ги отвора повеќето концерти од Тејлор Свифт за турнејата The Eras Tour во Латинска Америка, Австралија и Сингапур во текот на 2023 и 2024 година.[79] Карпентер објавила преработка на песната од Свифт „I Knew You Were Trouble“ (2012) како Spotify-специјал и изјавила дека отворање на концерти за Свифт е „остварен сон од детството“.[80] На 17 ноември 2023 година, Карпентер објавила божиќно EP под наслов Fruitcake.[81]
Во март 2024 година, Карпентер соработувала со норвешката пејачка Girl in Red за синглот „You Need Me Now?“.[82] На 11 април 2024 година, Карпентер го издала синглот „Espresso“.[83] Следниот ден таа настапила на фестивалот „Коачела“.[84] Песната „Espresso“ станала светски хит. Песната се искачила на четврто место на Billboard Hot 100, со што станал прв топ-десет сингл од Карпентер на оваа топ-листа. Исто така, со овој сингл Карпентер за првпат се пласирала во топ-10 на Billboard Global 200. Песната се нашла на врвот на топ-листите во Австралија, Ирска, Малезија, Сингапур, Обединетите Арапски Емирати и Обединетото Кралство, а се искачила во првите десет во многу други земји.[85] Синглот ќе се најде на нејзиниот шести студиски албум, Short n' Sweet, кој треба да биде објавен на 23 август 2024 година.[86]
година | Наслов | Англиски наслов | Улога | Белешки |
---|---|---|---|---|
2012 | Noobz | Бритни | ||
2013 | Рогови | Horns | Младата Мерин | |
2018 година | The Hate U Give | Хејли | ||
2019 година | Кратка историја на долгиот пат | The Short History of the Long Road | Нола | |
2019 | Висока девојка | Tall Girl | Харпер Крејман | |
2020 | Work It | Квин Акерман | Исто така извршен продуцент | |
2020 | Облаци | Clouds | Саманта „Семи“ Браун | |
2022 | Висока девојка 2 | Tall Girl 2 | Харпер Крејман | |
2022 | Брза помош | Emergency | Меди | |
Спот | Година | Режисер |
---|---|---|
Fall Apart | 2011 | Ханк Девос |
Can't Blame a Girl for Trying | 2014 | Кинга Бурза |
The Middle of Starting Over | 2014 | The Young Astronauts |
We'll Be the Stars | 2015 | Sarah McClung |
Eyes Wide Open | 2015 | Sarah McClung |
Smoke and Fire | 2016 | Џеси Хил |
On Purpose | 2016 | Џејмс Милер |
Thumbs | 2017 | Хајли Јанг |
Why | 2017 | Џеј Мартин |
Alien | 2018 | Carly Cussen |
Almost Love | 2018 | Хана Лукс Дејвис |
Sue Me | 2018 | Лорен Дан |
Paris | 2018 | Jasper Cable-Alexander |
On My Way | 2019 | Кристиан Берг |
Exhale | 2019 | Mowgly Lee |
In My Bed | 2019 | Филип Р.Лопез |
Skin | 2021 | Џејсон Лестер |
Skinny Dipping | 2021 | Амбер Парк |
Fast Times | 2022 | Амбер Парк |
Because I Liked a Boy | 2022 | Амбер Парк |
Nonsense | 2022 | Danica Kleinknecht |
Feather | 2023 | Миа Барнес |
Santa Doesn't Know You Like I Do | 2023 | Ребеках Кемпбел |
Espresso | 2024 | Дејв Мејерс |
Please Please Please | 2024 | Бардиа Зеинали |
Taste | 2024 | Дејв Мејерс |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.