From Wikipedia, the free encyclopedia
Роберт Томас Петинсон (англиски: Robert Thomas Pattinson) (роден 13 мај 1986)[3] е англиски актер, модел и музичар.[4] Најпознат е по улогата на Едвард Кален во филмската адаптација на Самрак, заснован на романот на Стефани Мајер, а и по улогата на Седрик Дигори во Хари Потер и Пламениот пехар.[5][6][7]
Петинсон е роден во Лондон, Англија. Неговата мајка, Клер, работела во модна агенција, додека пак неговиот татко, Ричард, увезувал старомодни автомобили од САД.[8] До својата тринаесетта година учел во музичкото училиште Tower House во Лондон, а потоа своето образование го продолжил во елитното приватно училиште Harrodiаn School.[9] Се приклучил во аматерски театар преку Barnes Theatre Company. Откако се здобил со некое искуство, започнал со глумечки улоги. Го привлекол вниманието на глумечки агент за време на продукцијата на Tess of the D'Urbervilles и започнал со барање на професионални улоги. Оттогаш има изведувано во аматерска верзија на Магбет, а и се обидел и со манекенство. Петинсон има две постари сестри.[10]
Со манекенството Петинсон почнал да се занимана на дванаесет годишна возраст, но се престанал четири години подоцна, за што тој вели дека виновен за неговиот неуспех како модел бил неговиот недоволно маженствен изглед.
Петинсон објаснува во декември 2008, „Кога првпат започнав, бев доста висок и изгледав како девојче, поради што се здобив со доста работи, бидејќи тогаш беше период кога во мода беа андрогините личности. Потоа, претпоставувам, станав премногу машки, поради што престанав да се здобивам со работи. Ја имав најнеуспешната манекенска кариера.“[11]
Петинсон се појави во рекламна кампања за есенската колекција за 2007 на Hackett.[12]
Роберт свири на гитара и пијано и компонира своја музика. Негови две песни „Never Thing“ и „Let Me Sing“ во кои исто така пее можат да се чујат во филмот Самрак.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
