From Wikipedia, the free encyclopedia
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Каменик (грчки: Πετρία, Петрија; книжевно: Πετραία, Петреа; до 1926 година: Κάμενικ, Каменик[2]) — село во Воденско, Егејска Македонија, дел од денешната Општина Вртикоп, во Централна Македонија, Грција.
| Каменик Πετρία | |
|---|---|
  Каменик | |
|
Местоположба во областа   Каменик | |
| Координати: 40°43′N 22°09′E | |
| Земја | Грција |
| Област | Централна Македонија |
| Округ | Постол |
| Општина | Вртикоп |
| Општ. единица | Вртикоп |
| Надм. вис. | 60 м |
| Население (2011)[1] | |
| • Вкупно | 918 |
| Час. појас | EET (UTC+2) |
| • Лето (ЛСВ) | EEST (UTC+3) |
Селото се наоѓа 5 километри јужно од градот Вртикоп, на надморска височина од 60 метри.[3]
Сместено е во областа Сланица, во североисточното подножје на планината Каракамен, на околу 20 километри југоисточно од градот Воден.
Селото се наоѓа крај железничката линија Солун-Воден-Битола и поседува своја железничка станица.
До 1924 година, Каменик било населено исклучително со македонско население.[3]
Во 1928 година, селото претставувало мешана населба со 89 бегалски семејства со вкупно 396 жители.[4]
Името на селото било променето во 1926 година во Петреа (Πετραία).
Бидејќи лежи во поле и земјиштето се наводнува, Каменик е многу богато село. Главни производи се овошје (праски и јаболка) и во помало количество жито. Делумно е развиено и краварството.[3]
Според Николаос Схинас („Οδοιπορικαί σημειώσεις Μακεδονίας, Ηπείρου, Νέας οροθετικής γραμμής και Θεσσαλίας“) во средината на 1880-тите години Каменик (Καμενίκη) имало 15 семејства христијани.[5]
Според статистиката на Васил К’нчов („Македонија. Етнографија и статистика“) во 1900 година селото имало 220 жители Македонци.[3][6] По податоци на секретарот на Бугарската егзархија, Димитар Мишев („La Macédoine et sa Population Chrétienne“) во 1905 година во Каменик (Kamenik) имало 120 Македонци.[3][7]
Во 1910 година во селото Каменик (Κάμενικ) имало 134 жители христијани и 11 муслимани.[8]
Во 1920 година, Каменик било посочено со 8 македонски и 11 куќи на Роми-христијани.[9]
Во пописот од 1913 година било забележано со 126 (од кои 71 маж и 55 жени[10]), а во 1920 година со 128 жители. Во 1924 година се населиле поголем број бегалски семејства (89 семејства со 396 доселеници), така што селото во 1928 година се зголемило на 516 жители, а во 1940 година на 722, од кои 290 Македонци, а останатите бегалци. Според пописот од 1951 година, селото имало 626 жители, во 1961 година 813, во 1971 година 786, во 1981 година 845, а во 1991 година 871 жител.[3]
Во пописот спроведен во 2001 година, селото било попишано со 921 жител. Во најновиот спроведен попис од 2011 година во Грција, селото било забележано со 918 жители.
Еве преглед на населението во сите пописни години, од 1940 г. до денес:
| Година | 1940 | 1951 | 1961 | 1971 | 1981 | 1991 | 2001 | 2011 | 2021 |
|---|---|---|---|---|---|---|---|---|---|
| Население | 722 | 626 | 813 | 786 | 845 | 871 | 921 | 918 |
Селото припаѓа на општинската единица Вртикоп со седиште во истоимениот град, која припаѓа на поголемата општина Вртикоп, во округот Постол. Воедно, селото е дел од општинскиот оддел Каменик, во кој покрај селото Каменик влегуваат и селата Бања и Ново Село.
