Розидите се голем клад на цветни растенија и содржат околу 70.000 видови,[1] над една четвртина од сите скриеносеменици.[2] Кладот е поделен на 16 до 20 редови, зависно од разграничувањето и класификацијата. Овие редови пак, сочинуваат околу 140 фамилии.[3] Розидите и астеридите се во голема мера најголемите кладови во евдикотите.
Розиди | |
---|---|
Разнолисен млеч (Euphorbia heterophylla) | |
Научна класификација | |
Царство: | Растенија |
Нерангирано: | Скриеносеменици |
Нерангирано: | Евдикоти |
Нерангирано: | Розиди |
Редови | |
Во текстот. |
Познати се фосилни наоди на розиди од периодот креда. Се смета дека потекнуваат од фазите апт и алб на периодот креда, пред 125-99,6 милиони години.[4][5]
Сродности
Розидите и каменоломковидните (Saxifragales) образуваат клад.[1][6] Ова е една од 6-те групи што ја сочинуваат групата Pentapetalae (јадрените евдикоти без Gunnerales),[7] а другите се Berberidopsidales, Caryophyllales, Dilleniales, Santalales и астеридите. За поврзаноста меѓу овие групи не се знае речиси ништо.
Класификација
Кладот розиди се состои од две групи: редот Лози (Vitales) и еврозидите (вистински розиди). Еврозидите пак, се делат на седум групи: Fabidae, Geraniales, Myrtales, Crossosomatales, Picramniales,[6] Malvidae,[7] и несместената фамилија Apodanthaceae.[8] Fabidae се нарекуваат и фабиди или еврозиди I. Истото важи и за Malvidae, што се нарекуваат и малвиди или еврозиди II.
Филогенија
Филогенијата прикажана подолу е усвоена од Ванг и др., а имињата на редовите се преземени од страницата на Групата за истражување на филогенијата на скриеносемените растенија[1].[6]
еврозиди |
| |||||||||||||||||||||||||||||||||||||||||||||||||||||||||||||||||||||||||||||||||||||||
„Азотоврзувачкиот клад“ содржи голем број на актиноризни растенија (со израстоци на корењата кои содржат бактерии што го врзуваат азотот, и така го помагаат растот во посиромашни почви). Не сите растенија во кладот се актиноризни.
Наводи
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.