Петар Мирчевски

Петар Мирчевски (роден на 11 ноември 1956 во Крушево) — македонски театарски, филмски и телевизиски глумец.

Петар Мирчевски
Роден	11 ноември 1956(1956-11-11) (68 г.) Крушево, НР Македонија, ФНРЈ
Националност	Македонец
Народност	Македонец
Познат	по улогата во: Пред дождот Контакт Сенки Збогум Румелија Преспав Ослободување на Скопје Прашина Сенки над Балканот
Занимање	глумец

Животопис

Мирчевски е роден во 1956 година во Крушево. Кај блиските е познат и по прекарот Пепи Пивцето кој го добил во средношколските денови, за време на учеството во една работна акција. Неговите двајца сина Филип и Мартин продолжиле по стапките на таткото, работејќи како глумци во Народниот театар во Битола.^[1] Дипломирал на ФДУ во Скопје, отсек глумечка игра. По дипломирањето во 1979 година станал член на битолскиот театар. Тој е еден од најангажираните и најекспонирани глумци, не само во историјата на битолскиот театар, туку и пошироко во Македонија. Покрај настапите во својата матична куќа, Мирчевски бил чест гостин и на сцената во Прилеп.

Театарска кариера

Во својата кариера, Мирчевски играл во околу 150 претстави.^[1] За своите улоги, тој е добитник на повеќе награди, како: „4 ноември“, „Млад борец“, „Војдан Чернодрински“ (трипати), Екрановата награда, „Златна маска“ на Охридско лето и наградата за животно дело „Петре Прличко“^[2]. Во 2011 година ја добил наградата на театарскиот фестивал „Денови на Нушиќ“ кој се одржал во Смедерево, Србија.^[3]

Во 2019 година, Мирчевски ја добил наградата „11 Октомври“ за животно дело.^[4][5]

Во 2021 година Мирчевски ја добил наградата „4 Ноември“ за животно дело^[6]

Во 2023 година, Мирчевски ја добил наградата за животно дело „Војдан Чернодрински“.

Филмографија

Покрај настапите во театарот, Мирчевски остварил и плодна телевизиска и филмска кариера:

Година	Филм	Улога
1970-ти▲
1976	Патот кон иднината ТВ-серија
1979	Наши години ТВ-серија
1980-ти▲
1981	Стојче ТВ-филм
1982	Илинден ТВ-серија
1984	Другарувања ТВ-серија	Таки
1985	Трговецот од Солун ТВ-филм
1986	Солунски патрдии ТВ-серија	Трговецот
1987	Ѕвездите на 42-та ТВ-филм	Василев
1987	Народни трубадури ТВ-серија
1988	Некоја чудна земја ТВ-филм	Минувач
1988	Еурека ТВ-серија	Менделев
1990-ти▲
1992	Тврдокорни ТВ-серија	Блаже
1992	Чудовиштата во нашиот град ТВ-серија	Џуџе Акира
1994	Пред дождот ТВ-филм	Здраве
1996	Феликс ТВ-филм
1998	Збогум на 20-тиот век ТВ-филм
1998	Салон Хармони ТВ-серија	Пепи
1999	Во светот на бајките ТВ-серија
2000-ти▲
2000	Је ли јасно пријатељу ТВ-филм	Мали
2001	Ноќ спроти Свети Василиј ТВ-филм	Царот
2001	Прашина ТВ-филм	Попот
2003	Бубачки ТВ-филм
2004	Големата вода ТВ-филм	Дервутоски
2004	Илузија ТВ-филм	Полицаец
2004	Како убив светец ТВ-филм	Михајловиќ
2005	Бал-кан-кан ТВ-филм	Хомер
2005	Контакт ТВ-филм	Новак
2006	Тајната книга ТВ-филм	Гулабарот
2006	Караула ТВ-филм	Миловановиќ
2007	Сенки ТВ-филм	Благојче
2007	Превртено ТВ-филм	Човек во костум
2007-2009	Збогум, Румелија ТВ-серија	Петрус Ефенди
2009	Балканска свадба ТВ-серија
2010-ти▲
2010	Мајки ТВ-филм	Распусто
2012	Душан ТВ-филм	Миле
2012	Трето полувреме ТВ-филм	Берберот
2012	Само за губитници краток филм
2013	Фалсификатор ТВ-филм	Командир Поповски
2013	Тврдокорни ТВ-серија	Бугарски претставник
2014	Споменикот на Мајкл Џексон ТВ-филм	Таксист
2015	На млечниот пат ТВ-филм
2015	Чизмаши ТВ-серија	Трпко
2015	Пепи и Муто ТВ-филм	Пепи
2016	Ослободување на Скопје ТВ-филм	Агент Господинов
2016	Црвената соба ТВ-филм	Стојанче
2017	Анка ТВ-филм	Ночни јагар
2017-2019	Сенки над Балканот ТВ-серија	Круме
2017-2019	Фамилија Марковски ТВ-серија	Тодоров
2018-2020	Преспав ТВ-серија	Гоце Бузалевски
2018	На млечен пат ТВ-филм	Поп-кувар
2019	Господ постои, името ѝ е Петрунија ТВ-филм	Стојан
2019	Врба ТВ-филм	Ставре
2020-ти▲
2022	Блок 27 ТВ-серија	Елвис
2022	Лена и Владимир ТВ-филм	Јово
2022	Мими ТВ-филм	Љупчо
2022	Балканска приспивна песна ТВ-серија
2022	Кајмак ТВ-филм	Богдан
2022-2024	Тин Камп ТВ-серија	Ставре
2024	Црвениот поет ТВ-серија	Агент Мијо

Петар Мирчевски настапил и во турската ТВ-серија „Збогум Румелија“, која се снимала на неколку локации во Македонија (Битола, Охрид и селото Маково во Мариово) во периодот од 2007 до 2009 година. Во серијата го толкувал ликот на бугарскиот трговец со тутун Петрус ефенди, а во серијата се појавува во околу триесетина епизоди.^[1]