Остервик

Остервик (германски: Osterwieck) — историски град во округот Харц, во сојузната покраина Саксонија-Анхалт, Германија. Се наоѓа на реката Илзе, северно од Вернигероде и планинскиот масив Харц. На 1 јануари 2010 општините од поранешната заедница на општини Остервик-Фалштајн се припоија кон Остервик.

Остервик
Поглед на Остервик Поглед на Остервик
Остервик
Управа
Земја	Германија
Покраина	Саксонија-Анхалт
Округ	Харц
Градоначалник	Улрих Симонс (ДХС)
Основни податоци
Површина	213 км2
Надм. височина	123 м
Население	10.898 (31 декември 2022)[1]
- Густина	51 жит/км2
Други информации
Часовен појас	CET/CEST (UTC+1/+2)
Рег. табл.	HZ
Пошт. бр.	38835
Повик. бр.	039421, 039422, 039458
Портал	www.osterwieck.de
Местоположба на градот Остервик во рамките на округот Харц
Карта
Координати	51°58′N 10°43′E

Стариот град (Алтштат) со црквата Свети Стефан е станица на сценскиот германски пат на дрвото и на Патот на романиката.

Историја

Населбата била првпат спомената околу 780 година, кога Карло Велики во текот на Саксонските војни ја поминал реката Окер и изградил црква посветена на Свети Стефан на плоштадот, подоцна наречен Залингенштеде (Salingenstede). Оваа црква станала средиште на христијанската мисија над паганците Саксонци, набљудувана од Хилдегрим од Шалон и потеклото на подоцнежната Халберштатска епископија. На 1 април 974 година, царот Отон II му доделил пазарни и монетни права на градот, што најчесто се смета и како датумот на основање на градот.

Името Остервик било првпат споменато во 1073 година во писмото на надбискупот Лимар од Бремен на епископот Бурхард II од Халберштат. Уништен од пожарот во 1511 година, градот бил повторно изграден и денес се одликува со околу 400 градби во стилот „фахверк“. Наосот на црквата Свети Стефан е подигнат во XVI век, која е една од најстарите протестантска цркви, додека нејзините романски двојни куполи потекнуваат од 1100 година.

Меѓународни односи

Главна статија: Список на збратимени градови во Германија

Остервик е збратимен со следниве градови:

• Хорнбург, Германија
• Ардувал, Ле Гранд-Вант и Сен Елие во департманот Приморска Сена, Франција

Познати луѓе

• Винфрид Фројденберг (1956–1989), последната жртва на Берлинскиот ѕид, е роден во Остервик

• 
  Административен објект во Остервик
• 
  Остервик
• 
  Поранешна пивница, а подоцна и гостилница (изградена во 1610 година)
• 
  Црквата „Свети Стефан“
• 
  Црква во Остервик
• 
  Црквата „Свети Јосиф“

Наводи

1. „Население по општини на 31 декември 2022 г.“ (PDF). Статистичка служба на Саксонија-Анхалт. јуни 2023. (германски)

Надворешни врски

• Остервик на Ризницата ^?
• Службена страница