Кочан (Драмско)

Кочан (Кочен или Кончен; грчки: Κοντσάν, Концан)^[1] — поранешно во Драмско, Егејска Македонија, на територијата на денешната општина Просечен на Драмскиот округ во Источна Македонија и Тракија, Грција. Сè до неговото реселување, било населено со Македонци-муслимани.^[2]

Кочан Κοντσάν
Кочан
Местоположба во областа Кочан Местоположба на Кочан во Драмскиот округ и областа Источна Македонија и Тракија
Координати: 41°15.48′N 24°3.40′E
Земја	Грција
Област	Источна Македонија и Тракија
Округ	Драмски
Општина	Просечен
Население
• Вкупно	напуштено
Час. појас	EET (UTC+2)
• Лето (ЛСВ)	EEST (UTC+3)

Географија

Селото се наоѓало во јужните падини на планината Боздаг (Мраморица), 2 км над селото Боболец, северозапдно од Драма.

Историја

Кочан за првпат се среќава во записник на соколарите од 1477 г. со 21 муслимански соколарски семејства, од кои 7 имале под едно рало земја^[3], 1 бенак (со половина рало или помалку) и 13 неженети.^[4]

По припојувањето на селото кон Грција, во 1913 г. селото е заведено како напуштено, но на пописот од 1920 г. Кочан имал 173 жители.^[2] Во 1923 г. жителите на селото, како муслимани, се иселени во Турција по сила на Лозанскиот договор. Познато е дека се населиле околу градот Узунќопру некаде меѓу 1923 и 1934 г. Селото потоа не било обновено.^[2]

Поврзано

• Боболец
• Боздаг

Наводи

1. Simovski, Todor. Atlas Of The Inhabited Places Of The Aegean Macedonia. Ankara: Türk Tarih Kurumu. стр. 62. ISBN 975-16-1103-2.
2. Симовски, Тодор (1998). Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 174.
3. Старинска мерка еднаква на површина која може да се изора од едно рало волови (вид. рало на ДРМЈ), што е од 6,5 до 15 ха, зависно од видот на почвата)
4. Цветанкова, Бистра; Мутафчиева, Вера (1964). Турски извори за българската история. Том I. София: Българска академия на науките. стр. 182.