Волк (соѕвездие)

Волк (лат. Lupus, Lup) — соѕвездие на јужното небо, едно од 48-те забележани од римскиот астроном Клавдиј Птоломеј (II век) и до денес претставува дел од 88-те современи соѕвездија. Сместено е помеѓу соѕвездијата Кентаур и Скорпија.

Волк

лат. Lupus
Список на ѕвезди во соѕвездието Волк
Кратенка	Lup
Генитивно	Lupi
Симболизам	волк
Ректасцензија	15,3 ч.
Деклинација	−45°
Квадрант	SQ3
Површина	334 (°)² (46-то)
Главни ѕвезди	9
Бајерови/Флемстидови ѕвезди	41
Ѕвезди со планети	5
Ѕвезди посјајни од 3,00m	3
Ѕвезди во полупречник од 10,00 пс (32,62 сг)	1
Најсјајна ѕвезда	α Lup (Мен) (2,30m)
Најблиска ѕвезда	LHS 397 (19,35 сг, 5,93 пс)
Месјеови објекти	0
Соседни соѕвездија	Рамнило Скорпија Шестар Кентаур Вага Водна Змија (агол)
Видливо на ширина од +35° до −90°. Најдобро се гледа во 21:00 ч. во текот на месец јуни.

Забележителности

Соѕвездието Волк гледано со голо око

Ѕвезди

Волк има околу 30 ѕвезди од величина 2 и 3, како и 70 со величина поголема од 6, вклучувајќи ред двојни и повеќекратни ѕвезди.

Највеќето најсјајни ѕвезди во соѕвездието се масивни членови на OB-здружението Скорпија-Кентаур.^[1]

Длабоконебесни тела

Кон северниот дел на соѕвездието се наоѓаат збиените јата NGC 5824 и NGC 5986, е близу до нив е и темната маглина B 228. На југ се сместени расеаните јата NGC 5822 и NGC 5749, како и збиеното јато NGC 5927 на источната граница со соѕвездието Рамнило. На западната граница има две спирални галаксии и Волф-Рајеовата планетарната маглина IC 4406, во која се содржат некои од најврелите познати ѕвезди. Маглината IC 4406 (наречена „Мрежница“) е валчеста маглина оддалечена 5.000 светлосни години. Низ средиштето има правливи појаси.^[2] Кон средината на соѕвездието се наоѓа и планетарната маглина NGC 5882. Во Волк е сместена и преминувачката вонсончева планета Волк -TR-3b.

ESO 274-1 е спирална галаксија која е видлива странично, и тоа со аматерски телескоп со пречник од барем 30 см. Се наоѓа користејќи се со Ламбда Волк и Ми Волк како обележја, и видлива е само при многу темно небо. По големина зафаќа 9 на 0,7 лачни минути со мало елиптично јадро.^[3]

Митологија и историја

Во древноста, соѕвездието се сметало за астеризам во рамките на Кентаур и се поимувало како произволно животно, убиено (или на умирање) од страна на или во име на Кентаур.^[4] Ератостен си го претставувал како мешок за вино во раката на Кентаур.^[5] Волк почнал да се сметаза посебно соѕвездие во III век п.н.е., кога Хипарх го нарекол „Ѕвер“ (Терион). Овој „ѕвер“ , не се сметал за ниедно конкретно животно сè до преведувањето на Хипарховото дело на латински.

Старогрчкото поимување веројатно води потекло од вавилонската фигура позната како Бесно Куче (УР.ИДИМ), со глава и труп на човек и нозе и опашка на ѕвер (лав, куче, волк итн.) Честопати се среќава заедно со богот на сонцето и уште едно митолошко суштество, наречено „Човек-бик“ (аналогно на грч. Кентаур).^[6]

Поврзано

• Волк
• Список на соѕвездија