Видринец

Видринец (грчки: Βιδρονήσι; Видрониси) — мал остров во областа Голема Преспа, Егејска Македонија. Сместен е во Малото Преспанско Езеро, денес во состав на општината Преспа на Леринскиот округ, Егејска Македонија.

Видринец

Поглед на Видринец од с. Л’нки
Географија
Координати	40.7556° СГШ; 21.1037° ИГД / 40.7556; 21.1037
Соседни водни површини	Мало Преспанско Езеро
Површина	0,03 км2
Држава
Егејска Македонија (денес во Грција)
Област	Голема Преспа
Округ	Лерински
Општина	Преспа
Демографија
Население	ненаселен

Поглед на Видринец (лево) и Свети Ахил (десно) во Малото Преспанско Езеро.

Местоположба

Острвоот е ненаселен и се наоѓа околу еден километар од брегот на с. Л’нки. Недалеку од него, посеверно во езерото, се наоѓа доста поголемиот и попознатиот остров Свети Ахил. На Видринец се наоѓа запустената Видринечка црква (ΧIII - XIV век), а целиот остров зафаќа 3 хектари.^[1]

Клима

Климата е умерена. Просечната годишна температура е 10 °C. Најтопол месец е јули, со просечна температура од 22 °C, а најстуден е јануари, со -2 °C.^[2] Просечната годишна количина на врнежи изнесува 1.001 мм. Највеќе врнежи има во февруари, со просек од 114 мм, а најсув е август, со 33 мм.^[3]

Птици

На островот се гнездат птици од разни видови, кои се единствените негови жители. Често можат да се видат јата корморани и пеликани, својствени за целиот преспански крај.^[4]

Поврзано

• Видринечка црква
• Голема Преспа
• Свети Ахил
• Мало Преспанско Езеро

Наводи

1. „Trip to the Small and Big Prespa“. limneon. 2 мај 2017. Посетено на 2 мај 2017.^{[мртва врска]}
2. „NASA Earth Observations Data Set Index“. NASA. Архивирано од изворникот на 2019-04-07. Посетено на 30 јануари 2016.
3. „NASA Earth Observations: Rainfall (1 month - TRMM)“. NASA/Tropical Rainfall Monitoring Mission. Архивирано од изворникот на 2019-04-19. Посетено на 30 јануари 2016.
4. „Vidronisi, Small Prespa Lake - Inhabited only by birds“. greecewithin. 6 септември 2006. Посетено на 2 мај 2017.