Ветрен (Валовишко)
село во Валовишко, Егејска Македонија From Wikipedia, the free encyclopedia
село во Валовишко, Егејска Македонија From Wikipedia, the free encyclopedia
Ветрен (Ветрена или Ветрина; грчки: Νέο Πετρίτσι, Нео Петрици; до 1927 г. Βέτρινα, Ветрина[2]) — село во Валовишко, Егејска Македонија, денес во општината Синтика на Серскиот округ, Грција.
Ветрен Νέο Πετρίτσι | |
---|---|
Поглед на Ветрен | |
Координати: 41°16.29′N 23°17.38′E | |
Земја | Грција |
Област | Централна Македонија |
Округ | Серски |
Општина | Синтика |
Општ. единица | Петрич |
Надм. вис. | м | 100
Население (2021)[1] | |
• Вкупно | 1.690 |
Час. појас | EET (UTC+2) |
• Лето (ЛСВ) | EEST (UTC+3) |
Селото се наоѓа северозападно од градот Сер и западно од Валовишта. Лежи во живописна месност во југоисточното подножје на Беласица. Низ селото тече реката Султаница или Ветренска Река[3]. На неколку километри североисточно од селото почнува Рупелската Клисура на Струма.
Селото се спомнува во османлиски дефтер од втората половина на XV и почетокот на XVI век под името Ветрена со 14 глави на домаќинства.[4]
Во османлискиот воопштен даночен список на немуслиманското население на Тимурхисарскиот вилает од 1616–17 г. селото се води како Ветрене со 191 даночно обврзани домаќинства.[5]
Во средината на XVII век низ Ветрен поминал османлискиот патописец Евлија Челебија, и напишал дека во селото, освен неколкуте муслимански, имало и 5 маала на „грчки, бугарски и српски неверници“ (христијани).[6]
Во XIX век Ветрен бил второ село по големина во Демирхисарската каза. Населението било етнички мешано, и со мнозинство на муслимани и малцинство на Македонци христијани. Во „Етнографија на вилаетите Адријанопол, Монастир и Салоника“ се вели дека во 1873 г. Ветрина (Vétrina) била село со 228 домаќинства сочинети од 480 муслимани и 100 Македонци.[7][8]
Во 1891 г. Георги Стрезов напишал за селото:
„ | Ветрина, големо село на подножјето на Беласица, на северозапад од Валовишта 21⁄2 часа. Преминуваат со сплавови низ дервентот. Изобилна планинска вода. Почва од најплодните. Раѓа и памук, сусам. Црква во која се служи на грчки. 220 турски куќи, 30 македонски,[9] 30 ромски и 25 черкески. Сите Турци се дојенци Арнаути, кои со себе ги донеле и навиките. Убиставата тука се едно од најобичните занимања. Мнозина упразнуваат разбојништво како наследен занает. Во недела има мал пазар. 25 куќи Македонци,[10] 200 Роми и 30 Черкези.[11] | “ |
Според статистиката на Васил К’нчов („Македонија. Етнографија и статистика“) во 1900 г. во Вятърна (Вѣтренъ) живееле 250 Македонци, 1.300 Турци, 100 Черкези и 120 Роми.[7][12] Во селото меѓу Македонците работела грчката пропаганда. Според статистиката на егзархискиот секретар Димитар Мишев („La Macédoine et sa Population Chrétienne“) во 1905 г. христијанското население на Ветрен се состоело од 240 Македонци под врховенството на Цариградската патријаршија. Во селото имало грчко основно училиште со 1 учител и 13 ученици.[7][13]
По Балканските војни во 1913 г. селото е припоено кон Грција согласно Букурешкиот договор. Таа година Ветрен броел 1.489 жители.[3] Во него се преселиле гркомани од пиринскиот град Петрич и селото Старчево, како и Власи од соседното беласичко село Рамна. Поради тоа, во 1920 г. во селото се заведени 1.756 лица.[3] Во 1924 г. сето турско и черкеско население е иселено во Турција по сила на Лозанскиот договор, а на негово место се доведени голем број грчки колонисти од Понт и помал број од Источна Тракија и остатокот од Мала Азија.[14] На пописот од 1928 г. Ветрен било мешано мештанско-дојденско село со вкупно 2.611 жители, од кои 687 лица (179 семејства) биле грчки дојденци, а останатите македонски мештани.[15]
Во 1927 г. селото е преименувано во Неон Пертицион, во превод Нов Петрич.[16]
Во мелиорацијата на и регулацијата на Струма во 1930-тите, како и создавањето на вештачкото Бутковско Езеро, новодобиеното земјиште привлекло повеќе жители од околните села, така што во 1940 г. во Ветрен се регистрирани 4.903 жители.[3] За време на Втората светска војна добар дел од населението се разотишол по други места во Егејска Македонија, така што бугарската статистика од 1941 г. во него завела само 2.800 жители.[3] По војната населението почнало да се враќа, но набргу потоа бележи тренд на иселување во поголемите градови.
Име | Грчки | Ново име | Грчки | Опис |
---|---|---|---|---|
Џами Кари[17] | Τζαμί Καρί[18] | Гинекоклиси | Γυναικοκκλήσι | местност на Ю от Ветрен по десния бряг на Струма[17] |
Џан Куртаран[17] | Τζάν Κουρταράν | Сотирас | Σωτήρας[18] | местност на И от Ветрен по десния бряг на Струма[17] |
Дирин[17] Дири дере | Ντιρί Ντερέ | Ватирема | Βαθύρεμα[18] | река на З от Ветрен[17] |
Султаница[17] | Σουλτανίτσα | Василиски | Βασιλίσκη[18] | беласишка река, минаваща през Ветрен, десен приток на Струма[17] |
Вудоник | Βουντονίκ | Плая | Πλαγιά[18] | |
Маџирка | Ματζίρκα | Катафигион | Καταφύγιον[18] | |
Лубут[17] | Λουμπούτι | Конос | Κώνος[18] | възвишение на Беласица СИ от Ветрен над десния бряг на Струма (293,2 м)[17] |
Оградина[17] | Όγκραντίνα | Стенотопи | Στενοτόπι[18] | връх на Беласица СЗ от Ветрен (1.082 м);[17] |
Кушница[17] | Κουσνίτσα | Кремастон | Κρεμαστόν[18] | местност на Беласица СЗ от Ветрен[17] |
Градум[17] | Γκραντουμ | Трикофрон | Τρίκορφον[18] | връх на Беласица С от Ветрен[17] |
Дивичо[17][19] | Ντινίτσιον,[18] Ντιβίτσιο[20] | Хорисма | Χώρισμα | възвишение на Беласица СИ от Ветрен над десния бряг на Струма (294 м)[17] |
Касир Тепе[17] | Κασίρ Τεπέ | Периптерон | Περίπτερον[18] | връх на Беласица С от Ветрен (801 м)[17] |
Летник[17] | Λέτνικ | Геракас | Γέρακας[18] | връх на Беласица С от Ветрен[17] |
Јанушница[17] | Γιαννούσνιτσα | Янорема | Γιαννόρεμα[18] | беласишка река на З от Ветрен[17] |
Меџит[17][19] | Μιτζίτι | Тристрату | Τρίστρατου[18] | възвишение на Беласица ССИ от Ветрен[17] |
Кел Каја[17] | Κέλ Καγιά | Фалакри | Φαλακρή[18] | гранична местност на Беласица ССЗ от връх Типец[17] |
Арпалук[17] | Άρπαλούκι | Стиригма | Στήριγμα[18] | връх на Беласица С от Ветрен (1.042 м)[17] |
Ваџилак[17] | Καλύβια Βατζαλάκ | Каливия | Καλύβια[18] | местност СИ от Ветрен по десния бряг на Струма[17] |
Горни Ѓолови | Έπάνω Γκιόλια | Елос | Έλος[18] | |
Кудул[19] | Κουντούλ | Стасис | Στάσις[18] | връх на Беласица на С от Ветрен[19] |
Хан Дере[17] | Χάν Ντερέ | Анапавтирион | Άναπαυτήριον[18] | бивше село СИ от Ветрен по десния бряг на Струма[17] |
Ашаја Маала[17] | Άσία Μαχαλάδες | Катомерон | Κατώμερον[18] | бивше село С от Ветрен[17] |
Тополница[17] | Τοπόλνιτσα | Асимандо | Άσήμαντο[18] | бивше село ЮЗ от новото село Тополница на българска територия[17] |
Трапеска[21] | Τραπέσκα | Трапези | Τραπέζι[18] | връх на Беласица ССЗ от Ветрен (1.110 м)[21] |
Истибеј[17] | Ίστίμπεη | Охирон | Όχυρόν[18] | укрепление на връх Белия камък (Истимбей) на Беласица[17] |
Еве преглед на населението во сите пописни години, од 1940 г. до денес:
Година | 1940 | 1951 | 1961 | 1971 | 1981 | 1991 | 2001 | 2011 | 2021 |
---|---|---|---|---|---|---|---|---|---|
Население | 4.903 | 3.978 | 3.474 | 3.027 | 2.773 | 2.479 | 2.373 | 1.932 |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.