Бадолен
село во Општина Ново Село From Wikipedia, the free encyclopedia
Бадолен, Баделен или Бадилен — село во Општина Ново Село, во околината на градот Струмица.
| Бадолен | |
  Бадолен Местоположба на Бадолен во Македонија
Бадолен на карта
| |
| Координати 41°27′59″N 22°57′59″E | |
| Општина | Ново Село |
| Население | 2 жит. (поп. 2021)[1] |
| Шифра на КО | 27564 |
| Надм. вис. | 567 м |
|
Бадолен на општинската карта  Атарот на Бадолен во рамките на општината | |
 Бадолен на Ризницата | |
Населбата се наоѓа на крајниот источен дел на Струмичкото Поле, под јужната падина на планината Огражден, а чиј атар нашироко се допира со државната гранична линија со Република Бугарија. Припаѓа на Општината Ново Село. Населбата е ридска, на надморска височина од 620 метри. Поради својата периферна положба, населбата од градот Струмица е оддалечена 35,5 километри, а од патот Струмица-Ново Село-граничен премин 6,8 км.
Името го има добиено од зборот „бадел“, што значи чичка, односно диво трнливо растение. Во почетокот на XX век селото било во состав на Петричката околија и било поделено на Велики и Мали Бадилен.
Атарот е голем и зафаќа простор од 21,9 км2, но не е доволно искористен. На него пасиштата заземаат површина од 1001,4 ха, на шумите отпаѓаат 886,2 ха, а на обработливото земјиште 200,9 ха. Селото има мешовита земјоделска функција.[2]
|
| |||||||||||||||||||||||||||||||||
Според германска карта издадена во 1941 година, а заснована на пописот на Кралството Југославија од 1931 година, селото имало 500 Македонци.[3]
Бадилен е второ најмало село во општината. Во 1971 година тоа броело 304 луѓе и 54 семејства. Оттогаш започнува масовното иселување кон Ново Коњарево и новооснованото село Самоилово. На пописот од 2002 година забележани се само тројца луѓе и две семејства.
Според пописот на населението на Македонија од 2002 година, селото има 3 жители, сите Македонци.[4]
Според последниот попис од 2021 година, во селото живееле 2 жители, сите Македонци.
Во табелата во продолжение е направен преглед на населението во сите пописни години:
| Година | 1900 | 1905 | 1948 | 1953 | 1961 | 1971 | 1981 | 1991 | 1994 | 2002 | 2021 |
|---|---|---|---|---|---|---|---|---|---|---|---|
| Население | 750 | 856 | 353 | 432 | 413 | 304 | 13 | 2 | 2 | 3 | 2 |
- Извор за 1900 г.: Македонија. Етнографија и статистика.[5]; за 1905 г.: La Macédoine et sa Population Chrétienne.[6]; за 1948-2002 г.: Државен завод за статистика на РМ.[7]; за 2021 г.: Државен завод за статистика на РМ.[8]
Училиштето во Бадилен, поради недостаток од деца веќе не функционира.
Избирачко место
Селото е опфатено во избирачкото место бр. 1779 според Државната изборна комисија, сместени во просториите на дом на културата на селото Бајково.[9]
На претседателските избори во 2019 година, на ова избирачко место биле запишани вкупно 7 гласачи.[10]
Во селото се наоѓа црквата „Успение на Пресвета Богородица“, посветена на големиот христијански празник Успение на Пресвета Богородица (Голема Богородица), што се одбележува на 28 август. Сепак, бадиленците кои живеат во Ново Коњарево и Самоилово, доаѓаат овде следниот ден, на 29 август. Селската слава се празнува на 6 мај, кога бадиленци повторно доаѓаат во селото и „колат курбан“. На 100 метри од селото се наоѓа македонската гранична караула.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
