Џанлујџи Буфон

Џанлујџи Буфон (итал. Gianluigi Buffon, 28 јануари 1978 во Карара, Италија) — италијански фудбалер, голман, на Парма и поранешен репрезентативец на Италија.

Кратки факти Џанлујџи Буфон, Лични податоци ...

Џанлујџи Буфон

Лични податоци
Роден на	28 јануари 1978(1978-01-28) (47 г.)
Роден во	Карара, Италија
Држава	Италија
Висина	&100000000000001910000001,91 м
Позиција	голман
Клупски податоци
Сегашен клуб	Парма
Број	1
Агент	Силвано Мартина
Младинска кариера
	Парма
Кариера*
Години	Клуб	Наст.	(Гол.)
1995–2001	Парма	168	(0)
2001–2018	Јувентус	509	(0)
2018–2019	Париз Сен Жермен	17	(0)
2019–2021	Јувентус	17	(0)
2021–	Парма	0	(0)
Репрезентација ^‡
1995-1997	Италија 21	11	(0)
1997-2018	Италија	176	(0)
* Ажурирано на: 28 октомври 2017 ** Ажурирано на: 13 ноември 2017

Затвори

Својата кариера ја започнал во Парма за која дебитирал во 1995 година. Во 2001 година, кога Јувентус го купил од Парма за 48,5 милиони евра, Буфон станал најскап голман во светот, сè до трансферот на Алисон Бекер од Рома во Ливерпул во 2018.Најголемиот дел од својата кариера го поминал токму во Јувентус од 2001 до 2018 година, пред да се врати повторно во клубот во летото 2019 по една сезона во Париз Сен Жермен.

Почетоци

Џанлујџи Буфон својата фудбалска кариера ја започнал во клубот Парма во 1995 година. Бил член на Италијанската олимписка репрезентација во 1996 на Олимписките игри во Атланта. Првиот професионален натпревар го одиграл во Серија А против Милан. По одличните настапи во дресот на Парма добил повик за настап во репрезентацијата, за да го замени одличниот Паљука во квалификациите за Светското првенство во фудбал во 1998 година против Русија во Москва. Бил повикан и на финалниот турнир за Светското првенство, но не одиграл ниту еден натпревар. Кога и помогнал на Италија во квалификациите за Европското првенство во 2000 година.

Јувентус

Во 2001 преминал од Парма во Јувентус за 48,5 милиони евра, со што станал најскап голман во светот, а тој износ и до ден денеска не е надминат. Играл на Светското првентсво 2002 година.

Во 2003 година УЕФА го прогласил за најкорисен играч и најдобар голман.^[1] Во 2004 година, Пеле го сместил помеѓу 125 најдобри играчи. Истата година настапил на Европското првенство во Португалија. На Светското првенство во 2006 година примил само 2 гола (еден автогол на Ѕакардо, а вториот од пенал од Зидан во финалето). Буфон го сочувал својот гол 453 минути, што го пласирал на петто место на несовладливи голмани на сите светски првенства. На тоа првенство Италија ја освоила титулата Светски првак. ФИФА повторно го прогласила за најдобар голман во 2006 година. Тој е рекордер меѓу голманите во Серија А, каде бил избран за Голман на годината 8 пати.

На 20 март 2016, во градското дерби против Торино, Буфон поставил нов рекорд во Серија А по бројот на минути без примен гол, надминувајќи го рекордот на некогашниот голман на Милан Себастијано Роси од 929 минути без примен гол во сезоната 1993-1994;^[2] рекордот на Буфон изнесува 974 минути, а неговата серија од 10 натпревари без примен гол завршила во 48-мата минута кога тој бил совладан од напаѓачот на Торо Андреја Белоти од пенал за моментален резултат 1-2, но на крајот Јувентус победил со 1-4.^[3]

На 13 ноември 2017 година Буфон го одиграл својот последен 175-ти меѓународен натпревар, во реванш двобојот од баражот за Светското првенство во фудбал 2018 против Шведска, на стадионот Сан Сиро во Милано. Натпреварот завршил со нерешен резултат 0-0, со што италијанците не успеале да го надоместат дефицитот од еден гол на шваѓаните од првиот натпревар и така не успеале да се квалификуваат на Светско првенство за првпат по 60 години. Во текот на натпреварот, Буфон исто така го изедначил и рекордот на Фабио Канаваро како играч со најмногу настапи за Италија како капитен. Веднаш по крајот на натпреварот, тој најавил повлекување од националниот дрес со рекордни 175 настапи во него.

Париз Сен-Жермен

На 6 јули 2018 година, Буфон потпишал едногодишен договор со опција за продолжување на уште една година со францускиот Париз Сен Жермен.^[4]^[5]

Враќање во Јувентус

На 4 јули 2019, после една сезона во Франција Буфон се вратил во Јувентус, потпишувајќи договор до 30 јуни 2020.^[6]

Џанлујџи Буфон

Кариера

Почетоци

Јувентус

Париз Сен-Жермен

Враќање во Јувентус

Титули

Клупски

Парма

Јувентус

Париз Сен Жермен

Репрезентативни

Италија

Наводи

Надворешни врски

Wikiwand - on