![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b2/MGMT_Osheaga_%2528cropped%2529.jpg/640px-MGMT_Osheaga_%2528cropped%2529.jpg&w=640&q=50)
MGMT
американска музичка група / From Wikipedia, the free encyclopedia
MGMT (македонска транскрипција: Ем-џи-ем-ти[1]) ― американска рок-група основана во 2002 година во Мидлтаун, Конектикат. Групата ја основале пејачите и мултиинструменталисти Ендрју Ван Вингарден и Бен Голдвасер. Покрај Ван Вингарден и Голдвасер на концертите во живо во MGMT моментално членуваат: тапанарот Вил Берман, басистот Сајмон Оконор и гитаристот и клавијатурист Џејмс Ричардсон.
MGMT | |
---|---|
![]() Групата MGMT на Ошеага фестивалот во Монтреал во 2017 | |
Животописни податоци | |
Познат(а) и како | The Management |
Потекло | Мидлтаун, Конектикат, САД |
Жанрови |
|
Период на активност | 2002–сега |
Издавачи |
|
Мреж. место | whoismgmt.com |
Членови | |
|
Групата прво потпишала договор со издавачката куќа Cantora Records, а во 2006 година потпишале со Columbia и RED Ink.[2] [3] [4] Во 2007 година го издале нивниот прв албум Oracular Spectacular. По објавувањето на Oracular Spectacular, на групата ѝ се приклучиле Ричардсон, Берман и Метју Асти за да го снимат албумот Congratulations, кој бил издаден на 13 април 2010 година.[5] Во јануари 2011 година, тие започнале да работат на нивниот трет студиски албум под наслов MGMT. [6] Албумот бил објавен на 17 септември 2013 година.[7] Четвртиот студиски албум на групата, насловен како Little Dark Age, бил објавен во февруари 2018 година и по објавувањето го прекинале договорот со Columbia. По 2019 година, дуото почнало да продуцура музика независна од издавачка куќа, за прв пат по 2006 година. Кон крајот на 2019 година, дуото објавило нова песна насловена како „In the Afternoon“ како нивен прв целосно самопродуциран сингл.[8]
На 5 октомври 2007 година, списанието Spin ја прогласил групата MGMT за „Музичар на денот“.[9] Во ноември 2007 година, Rolling Stone ја ставил MGMT на списокот од топ-10 „Музичари на кои треба да се внимава“ во 2008 година,[10] а албумот Oracular Spectacular го ставил на 494 место на неговата топ-листа од 500 најдобри албуми на сите времиња. На 51-те Греми награди, ремиксот на „Electric Feel“ од групата Justice освоил Греми награда за најдобра ремиксирана некласична снимка.[11] Групата била номинирана за Греми награда за најдобар нов изведувач, а на 52-рото доделување на Греми наградите песната „Kids“ била номинирана за најдобра поп-изведба од дуо или група.[12]