Новогодишна елка
From Wikipedia, the free encyclopedia
Новогодишна елка (или Божиќна елка) е украсено дрво, обично зимзелено четинар, како смрека, бор или ела, или вештачко дрво со сличен изглед, поврзано со прославата на Нова година и Божиќ.[1]
Обичајот започнал во Централна Европа и балтичките земји, особено во Естонија, Германија и Ливонија (денес Латвија), каде протестантските христијани поставувале украсени дрвја во своите домови.[2][3] Дрвото традиционално било украсено со „рози направени од обоена хартија, јаболка, наполитанки, и кондиторски прозводи.[2] Моравските христијани почнале да ги осветлуваат елките со свеќи,[4] кои денес се заменети со нвогодишни сијалички по доаѓањето на електрификацијата.[5] Денес, постои широк спектар на традиционални и модерни украси, како што се венци, украсни ленти, бонбони и друго. На врвот на дрвото се става ангел или ѕезда за да го претставува ангелот Гаврил или Витлеемската ѕвезда, од раѓањето на Христос.[6][7] Јадливите производи како колач од ѓумбир, чоколадо и други слатки и бонбони, се исто така популарни како новогодишни украси, врзани или закачени на гранките на дрвото со панделки. Божиќната елка историски се смета за обичај на лутеранските цркви, а дури во 1982 година Католичката црква ја поставила ватиканската новогодишна елка.[8]
Во западната христијанска традиција, новогодишните елки се поставуваат во различни временски периоди, на пример, на првиот ден од декември или дури на Бадник.[9]