From Wikipedia, the free encyclopedia
Моби (Ричард Мелвил Хал) роден (11 септември 1965 ) во Харлем, Њујорк, а пораснал во Дериен, Конектикат. Според неговите кажувања родителите го нарекле Моби уште по раѓањето поради новелата Моби Дик на Херман Мелвил, неговиот поддалечен предок[1]. По осум Топ 40 песни во 1990-тите со техно музика, неговиот најголем успех е албумот Play, издаден во 1999, кој е продаден во 9 милиони копии ширум светот[2]. Тој свири на синтисајзер, гитара, бас гитара и тапани. Има издавано музика со псевдонимите Voodoo Child[3], Barracuda, UHF, The Brotherhood, DJ Cake, Lopez, Mindstorm, и Pippy Baliunas. Покрај останатото во јавноста е познат и како една од најконтрaверзните личности во техно музиката. Откако ги завршил студиите и дипломирал на универзитетот SUNY Purchase, со насока социологија, тој почнал да се насочува повеќе кон својата животна идеја, да создава музика. Пишувал, продуцирал и ремиксирал музика за Дејвид Боуви, Daft Punk, Милен Фармер, Pet Shop Boys, Бритни Спирс, Њу Ордер, Guns N' Roses, Metallica, Soundgarden, и други.[4]
Оваа статија можеби бара дополнително внимание за да ги исполни стандардите за квалитет на Википедија. Ве молиме подобрете ја оваа статија ако можете. |
Моби | |
---|---|
Моби во 2009 | |
Животописни податоци | |
Родено име | Ричард Мелвил Хол |
Познат(а) и како |
|
Роден(а) | 11 септември 1965 Харлем,Њујорк, САД |
Потекло |
|
Жанрови | |
Занимања |
|
Инструменти |
|
Период на активност | 1978–сега |
Издавачи |
|
Соработници |
|
Мреж. место | moby.com |
Кариерата ја започнал во раните 1980 како дел од панк бендот наречен Ватикан Командос[5] . Бил ди-џеј во клубот The Beat во Port Chester, Њујорк во 1985. Подоцна во 1989 потпишал договор за снимање со Instinct Records.[6] Неговиот прв успех е Go, прогресивната снимка која користи делови од темата на Лаура Палмер од Твин Пикс. Со неа достигна во листите на најдобри десет во Велика Британија во октомври 1991 доби можност се појави во Top of the Pops што многу придонесе кон славата на неговиот прв албум, The Story So Far. Направил ремикс верзии на музиката на Prodigy, Orbital и Aphex Twin[7] Направил и рап за снимка на Recoil наречена Curse.[8]. Го објавува албумот Моби во 1992. Некои од неговите други синглови во 1992 и 1993 се Next Is the E, Thousand (со неговото темпо од 1,000 удари во минута), и Voodoo Child.
Неговиот прв албум за Mute Records од 1995 е Everything Is Wrong. Истиот добил награда од критиката, бил прогласен од страна на Spin магазинот за "Албум на годината"[9] и доживеал каков-таков комерцијален успех. Оваа соработка продолжила и во 1996 со двојниот албум Everything Is Wrong, mixed and remixed. Брзо потоа, неговата издавачка куќа, Instinct промовирала албум наречен Rare: The Collected B-Sides 1989-1993. Подоцна во 1996, Моби промовирал нов хард рок и електро албум наречен Animal Rights и бил на турнеја низ Европа со Red Hot Chili Peppers. Синглот Come on Baby од Animal Rights бил трета изведба на Моби што се нашла на Top of the Pops, забележана поради агресивниот изглед и звук. Иронично, токму кога Моби сакал да го смени правецот, електронската музика почнала да стекнува популарност преку уметници како The Chemical Brothers и The Prodigy. Во 1997 тој го промовирал албумот I Like to Score, колекција од неговата музика која била користена во филмската продукција. Меѓу овие дела била и преработката на темата за филмот за Џејмс Бонд,Утрешнината никогаш не умира. Animal Rights и I Like to Score немаа многу голем комерцијален успех.
Оваа декада исполнета со музика, Моби ја крунисал со албумот од 1999 Play. Албумот се состои од 18 песни и е прв албум во историјата кој ги лиценцирал сите песни[10]. Песните на албумот биле прифатени од неколку радио формати иако албумот можел да биде финансиски успешен дури и без радио изведби. Како додаток на славата, албумот Play се истакнува и со своите блуз снимки соберени од страна на Алан Ломакс.[11] Во 2001, Моби ја донапиша и ја продуцираше Is It Any Wonder со Софи Елис Бекстор за нејзиот прв соло албум Read My Lips. Во 2001, Моби го основа Area: One Festival[12]. Тоа е популарен рок фестивал карактеризиран со повеќе видови електронска музика. Во 2001, добил груби коментари од Еминем откако ја нарекол неговата музика хомофобична. Еминем подоцна сатирично го споменал Моби (меѓу останатите) во Without Me, нарекувајќи го "36-годишно келаво незадоволство", за притоа да изјави дека "Никој не слуша техно!".[13] Двајцата се конфронтираle во МТВ Видео Музички Награди, иако Моби изразил почитување кон Еминем како уметник.
Во 2002, го промовираl 18, албум со 18 песни. Најпопуларната песна на албумот продаден во 4 милиони копии и со кој освоил бројни награди во 30 земји била We Are All Made of Stars.[14] На кратко имал и телевизиска емисија на МТВ во 2002, Señor Moby's House of Music со фокус најмногу на електронската музика. Во 2003, продуцирал песна за Бритни Спирс за нејзиниот албум In The Zone. Песната се вика Early Mornin". Таа не била промовирана како сингл, но им била омилена на обожавателите.
Во 2005 го промовирал албумот Хотел[15], прв по тригодишна пауза. Веднаш по оваа промоција била испланирана турнеја низ Европа, поставување на ново мрежно место и нови зделки во врска со музиката. На 6 ноември 2006 излегла компилација на неговите најголеми хитови, насловена како Go: The Very Best of Moby која вклучува и нова песна "Њујорк, Њујорк", изведена од Деби Хари. Различни верзии на овој албум го имаат неговиот сингл Slipping Away на различни јазици и со различни пејачи[16]. Моби ја обедини повторно легендарната група на Ричард Барон од 80-ите, Бонгос за да ја продуцираат и да ја изведат новата верзија на нивната песна Bulrushes. Во 2006 го направил саундтракот на филмот на Ричард Кели Southland Tales (2007), бидејќи бил обожавател на претходниот филм на Кели Дони Дарко .[17] Во 2007, Моби започнал рок бенд, The Little Death with his friends заедно со Лора Дон, Дерон Марфи, и Ерон А. Брукс.[18] The Little Death објавиле албум во 2010. Од 2007 до 2008 водел серија настани во еден њујоршки клуб насловени "Degenerates".[19][20] Моби направил и ремикс компилација за видеоиграта Биошок заедно со Оскар, наречена The BioShock EP. Дискот бил достапен со купување на изданието на играта. "The BioShock EP" и вклучува три ремикс песни и една оригинална снимка: Beyond the Sea, God Bless the Child, and Wild Little Sisters.
Во ноеември 2008 Моби во интервју го најавил својот нов албум Last Night: "Сакам да направан навистина емотивна, убава плоча. Не знам дали ќе успеам, но целта ми е да направам нешто многу лично, многу мелодично,многу убаво."[21] Албумот за кој зборувал се нарекува Wait for Me и истиот бил објавен во јуни 2009.[22][23]
Моби и Дејвид Линч оствариле соработка на синглот Shot in the Back of the Head, чие видео е во режија на Линч.[24] Синглот бил пуштен слободно да се данлодира преку мрежната страница на Моби.
Моби собрал $75,000 и $100,000 за помош на жртвите на домашно насилство[25] откако САД го укинале фондот за рограмата противсемејното наследство. За да го стори тоа, ја донирал заработката од концертите во Калифорнија (Сан Диего, Сан Франциско, Лос Анџелес).
Во јануари 2010, најавил дека почнува да работи на нова плоча. Рекол дека "расположнието за оваа плоча ќе биде поакустична и не толку електронска како порано".[26] Во овој период започнал хеви метал бенд заедно со неговиот пријател Фил Костело, Diamondsnake. Бендот објавил два албума на Фејсбук.[27]
Во февруари 2011, Моби го објавил издавањето на новиот албум Destroyed, објавен во мај 2011.[28][29] Албумот содржи 15 сингла.
Помеѓу февруари и август 2013, Моби имал концерти и DJ настапи на Вандерласт Фестивалот со настапи на Хаваи, Калифорнија и Колорадо во САД а воедно во Канада и во Чиле.[30] Единствен настап во Азија му бил на Светскиот музички фестивал во Сингапур.[31] Во јули најавил дека ќе објави студиски албум насловен Innocents. Албумот бил напишан и снимен за 18-те претходни месеци и требал да излезе во октомври. Сниман бил во апартманот на Моби и во него гостуваат доста вокалисти. Првиот официјален сингл бил насловен A Case for Shame а го продуцирал добитникот на Греми Марк „Спајк“ Стент.[32] Во септември 2016 најавил нов албум These Systems Are Failing.[33] објавен на 14 октомври 2016, под името Moby & The Void Pacific Choir.[34] Првиотофицијален сингл на албумот бил "Are You Lost In The World Like Me?".[35] Видеото за тој сингл, создадено од аниматорот Стив Катс се однесува на зависноста од мобилни смарт телефони.[36]
Моби користи некои невообичаени иновации во неговата кариера. Неговиот сингл од 1995 Everytime You Touch Me има особини на ремиксот на Џуд Себастиан. На некои изведби на европската турнеја во 2005 Live Here Now,тој им доделил на обожавателите компакт диск со снимки од изведбата 10 минути по завршувањето на концертот. Неговиот сингл од 2005 Lift Me Up имаше особини како додаток на бројни ремикси.Многу од албумите на Моби вклучуваат есеи кои тој самиот ги има напишано. Everything Is Wrong имаше есеи за преголемото конзумирање "Ние користиме отровен хлорски избелувач за да ја зачуваме долната облека бела" и за религиозните водачи на САД "Зошто христијаните не одат да шират милост, сочувство и самопожртвуваност?", и "The End of Everything" каде дискутира за вегетаријанците "Можете ли да погледнете животно во очите и да му кажете: "Мојот апетит е поважен од твоето страдање?".
Покрај музиката Моби е целосен вегетариjанец, христијанин и самопрокламиран симплтон (поради неговите често искрени и идејалистички проценки). Живее во делот Мала Италија во Њујорк каде што живеел цела декада во мал стан во петкатна зграда спротивно од Дејвид Боуви. До неодамна беше ко-сопственик на мал ресторан и чајџилница наречена TeaNY. Исто така го организирал "Колективот на мали идиоти" "Little Idiot Collective", група на уметници. Има потпишано да плати $207.000 за да биде првата поп ѕвезда која патувала во вселената, на компанијата за вселенски туризам Virgin Galactic’s VSS Enterprise вселенски брод во 2010. Во интервју за Психологијата денес, Моби изјавил дека кога имал 19 години пробал LSD и почнал да добива напади на паника. Тој тврди дека повеќе не ги користи често како порано, но можеби некогаш тој: ”ќе има премногу кофеин, ќе биде под стрес за работата и ќе биде во врска која пропаѓа и пак ќе почнат”. Тој е многу отворен во врска со ова со цел да им помогне на обожавателите кои страдаат од слични панични нарушувања.
Тој е веганец и поборник за правата на животните.[37] Во март 2010, ја објавил книгата Gristle: From Factory Farms to Food Safety (Thinking Twice About the Meat We Eat), колекција есеи од луѓе во индустријата за храна.[38] Во ноември 2015 отворил вегански ресторан наречен Little Pine во Лос Анџелес и тој лично го води истиот.[39][40]
Моби е воедно познат активист и спонзор за плејада од прогресивни идеи, работејќи со MoveOn и PETA. Тој ги создал MoveOn Voter Fund's "Bush in 30 Seconds" натпреварите заедно со Лаура Даун и директорката на MoveOn Ели Паризиер. Во последните неколку години активно се ангажира во неутралниот активизам и учествува во Одборот на директори на организацијата Аменд, непрофитно здружение кое имплементира програми за заштита од повреди во Африка. Тој смета дека оваа организација е многу ефикасна и успешно водена. Во 2004. беше почестен со наградата "Музиката има сила" за неговата поддршка на музичката терапија и неговата посветеност и помош за снимање на телевизиска програма.
Во 2003 во интервју за BBC, Моби зборува за неговоао средба со Евангелието, "Околу 1985 година ги прочитав подучувањата од Исус и веднаш ми дојде идејата Исус бил некако видовит. Кога велам Јас го сакам Исус и го сакам неговото учење , тоа го мислам на наједноставен и наивен начин. Не велам дека сум во право". На (19 јануари) 2007), по гледањето на филмот на Александра Пелоси, "Пријателите на Господ", Моби напиша, "Филмот ме потсетува колку е оддалечена верзијата на евангелието за христијанство од учењата на Исус".
Мобие е фотограф уште на 10годишна возраст, растејќи околу филмови и темни фото лаборатории.[41] бидејќи чичко му бил фотограф за The New York Times.[42]
Во 2011,објавил книга со фотографии, Destroyed, од неговата меѓународна турнеја. Името на книгата е исто како насловот на албумот објавен истата таа година
Моби објавил автобиографија насловена Порцелан: мемоари во мај 2016.[43]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.