![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/2/2e/Illustrerad_Verldshistoria_band_I_Ill_058.jpg/640px-Illustrerad_Verldshistoria_band_I_Ill_058.jpg&w=640&q=50)
Кир Велики
From Wikipedia, the free encyclopedia
Кир Велики (староперсиски: 𐎤𐎢𐎽𐎢𐏁, Куруш), познат и како Кир II (576 или 590 — август 529 п.н.е.)[1] — персиски цар од иранската династија Ахемениди, војсководец, законодавец и основоположник на персиското царство.[2] За време на своето владеење го проширил царството на поголем дел од Југозападна и Средна Азија, од Египет и Босфор на запад до реката Инд на исток, и го создал првото и најголемо царство на стариот век. Во текот на своето владеење, кое траело три децении, Кир ги освоил некои од најголемите кралства на тоа време, како Лидија, Медија и Вавилон, и водел воени експедиции во Средна Азија, каде ги покорил сите народи.[3] Но тој не отишол во поход против Египет, ниту против европска Грција, како што тоа го направиле неговите следбеници Камбиз II и Дариј I Велики. Според Херодот, Кир загинал во битката против Скитите, во летото 530 или 529 година п.н.е.[4] Него го наследил синот Камбиз II, кој го освоил Египет во текот на своето релативно кратко владеење. Кир бил следбеник на зороастриската религија. Освен силното влијание врз персиската историја, Кир влијаел и врз јудаизмот, човековите права, политиката и воената стратегија и врз вкупната источна и западна цивилизација.[5]
Кир Велики | |
---|---|
| |
![]() Кир Велики со хемхемет, од релјеф во Кировата резиденција во Пасаргад | |
Крал на Персија | |
На престол | 559 — 530 п.н.е. |
Претходник | Крез I |
Наследник | Камбиз II |
Крал на Медија | |
На престол | 549 — 530 п.н.е. |
Претходник | Астијаг |
Наследник | Камбиз II |
Крал на Лидија | |
На престол | 547 — 530 п.н.е. |
Претходник | Крез |
Наследник | Камбиз II |
Крал на Вавилон | |
На престол | 539 — 530 п.н.е. |
Претходник | Набонид |
Наследник | Камбиз II |
Роден(а) | 598–600 п.н.е. Аншан, Персија |
Починал(а) | 4 декември, 530 п.н.е. Кај Сир Дарја |
Почивалиште | Пасаргад |
Консорт |
|
Деца |
|
Династија | Ахемениди |
Татко | Камбиз I |
Мајка | Мандана |