Златна зора (херметички ред)
From Wikipedia, the free encyclopedia
From Wikipedia, the free encyclopedia
Херметичкиот ред Златна зора, или како што најчесто се нарекува само Златна зора, е магиски ред од доцниот 19 век и почетокот на XX век, во кој се практикувал спиритуален развој. Овој ред се смета дека го извршил најголемото влијание на западниот окултизам во 20 век. Концептот на магиски ритуали од тогаш станал суштински елемент на многу други традиции, вклучувајќи ги Вика,[1][2] Телема, и други форми на магиски спиритуализам кои се и денес популарни.
Тројцата основачи, Вилијам Роберт Вудман, Вилијам Вин Весткот и Самуел Лидел МекГрегор Метерс, биле масони и членови на друштвото на розекрајцери во Англија, (S.R.I.A.).[3] Весткот исто така бил член на Теозофското друштво.
Системот на „Златна зора“ се засновал врз иницијација и хиерархија по углед на масонските ложи, со таа разлика што во овој ред се примале и жени. Во суштина, „Златна зора“ е само првиот од трите редови, иако сите три заедно исто така се нарекуваат „Златна зора“. Првиот ред изучувал Кабала и личен развој преку свесност за класичните елементи, како и астрологија, тарот и геомантија. Вториот ред, изучувал магија вклучувајќи астрална проекција и алхемија. Третиот ред бил редот на „тајните водачи“, за кои се велело дека веќе не се инкарнирани, но кои раководат со активностите на првите два реда преку спиритуална комуникација со водачите на вториот ред.
Во концептот на „Златна зора“ се чувствува влијание од: мистицизмот, Кабала, херметизам, египетска митологија, повикување божества, масоните, алхемија, теозофија, Елифас Леви, Папус, магијата на Енох, и ренесансните магиски текстови.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
