![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/mk/thumb/3/33/LakeGarda06.jpg/640px-LakeGarda06.jpg&w=640&q=50)
Гарда (езеро)
From Wikipedia, the free encyclopedia
Езерото Гарда (италијански Lago di Garda) е најголемото езеро во Италија. Се наоѓа во северниот дел од земјата, на полпат помеѓу Венеција и Милано. Езерото се наоѓа на преминот од алпскиот регион на Доломитите кон низината Ломбардија. Оформенo e од ледници при крајот на последното ледено доба. Езерото и неговото крајбрежје се поделени помеќу провинциите Верона (југоисточно), Бреша (југозападно) и Тренто (северно). Езерото е голема туристичка атракција, со голем број хотели, туристички населби и забавни паркови по брегот.
Езерото Гарда | |
---|---|
![]() Езерото Гарда | |
Координати | 45°38′N 10°40′E |
Вид | ледничко езеро |
Главни приливи | р. Сарка |
Главни истеци | р. Минцио |
Слив | {{Пб/Грешка во изразот: Непрепознаен интерпункциски знак „к“
|1=Грешка во изразот: Непрепознаен интерпункциски знак „к“}}2,350 км2 км2 |
Сливни земји | Италија, Швајцарија |
Најг. должина | 51,9 km км |
Најг. ширина | 16,7 km км |
Површина | {{Пб/Грешка во изразот: Непрепознаен интерпункциски знак „[“
|1=Грешка во изразот: Непрепознаен интерпункциски знак „[“}}370 км2 км2 |
Прос. длабочина | 136 m м |
Најг. длабочина | 346 m м |
Зафатнина | 50,35 км3 км3 |
Проточност | 26,8 г. |
Надм. височина | 65 m м |
![Thumb image](http://upload.wikimedia.org/wikipedia/commons/thumb/f/f6/Girolamo_Dai_Libri_-_Madonna_della_quercia_-_1533_after_-_Museo_Castelvecchio%2C_Verona_%28ITALY%29%2C_dettail.jpg/640px-Girolamo_Dai_Libri_-_Madonna_della_quercia_-_1533_after_-_Museo_Castelvecchio%2C_Verona_%28ITALY%29%2C_dettail.jpg)
Стариот утврден град Сирмионе, кој се наоѓа на полуостров на јужниот брег од езерото е особено популарно туристичко место, каде се наоѓат бањите Вирџилио и Катуљо уште од римско време, како и бројни ресторани, барови, хотели, модни продавници и пазар. Живописниот замок Скалигер датира од XIII век. Римската вила била домот на поетот Катул. Сулфурниот извор на врвот на полуостровот е познат по својата способност да лечи заболувања, особено оние кај увото.
![Thumb image](http://upload.wikimedia.org/wikipedia/commons/thumb/3/39/Lake_garda_from_space.jpg/150px-Lake_garda_from_space.jpg)
Интересно место е и северозападното село Лимоне. Ова место се прославило во 1979 кога таму бил откриен аполибелковината А-1 МИЛАНО. Оваа белковина, која се наоѓала во крвта на луѓето родени во Лимоне, брзо ги чисти артериите од масти, кои потоа ги носи во црниот дроб, каде се елиминираат. Оваа белковина е ефикасна против артериосклероза и инфаркт. Заради оваа состојка, мештаните живеат многу долго - неколку десетици селани доживеале над 100 години.
На југоисточниот брег, северно од гратчето Пескиера, се наоѓаат Гардаланд, Аква Парадајз и Канева Муви Студио едни од најпознатите паркови во Италија.
Крајбрежни места се: Сирмионе, Десенцано, Сало, Гардоне Ривиера, Тосколано-Мадерно, Гарњано, Лимоне, Монига, Паденгде сул Гарда во брескиската страна на езерото, Пескиера дел гарда, Лацисе, Бардолино, Гарда, Тори дел Бенако, Бренцоне, Малкесине на веронската страна на езерото, Рива дел гарда, Наго-Торболе на трентската страна на езерото.