Вунсторф

Вунсторф (германски: Wunstorf) — град во округот Хановер, во сојузната покраина Долна Саксонија, Германија. Се наоѓа околу 22 километри западно од покраинскиот главен град Хановер.

Вунсторф Wunstorf
Пешачката зона во средиштето на градот Пешачката зона во средиштето на градот
Вунсторф
Управа
Земја	Германија
Покраина	Долна Саксонија
Округ	Хановер
Градски единици	14
Градоначалник	Ролф-Аксел Еберхарт (ДХС)
Основни податоци
Површина	126,60 км2
Надм. височина	43 м
Население	41.480 (31 декември 2020)[1]
- Густина	328 жит/км2
Други информации
Часовен појас	CET/CEST (UTC+1/+2)
Рег. табл.	H
Пошт. бр.	31515
Повик. бр.	05031, 05033 (Штајнхуде и Гросенхајдорн), 05723 (Идензен-Нинграбен)
Портал	www.wunstorf.de
Местоположба на градот Вунсторф во рамките на округот Хановер
Карта
Координати	52°25′39″N 9°25′46″E

Во негова близина се наоѓа Воздухопловната база Вунсторф на германските воздухопловни сили. Западно од градот, местата Штајнхуде и Гросенхајдорн се наоѓаат на бреговите на Штајнхудското Езеро.

Географија

Местоположба

Низ градското подрачје на самиот Вунсторф тече Вестауе, која се влева во Лајне, североисточно од Борденау. На запад се наоѓа Природниот парк Штајнхудско Езеро.

Градски единици

Кон градското подрачје на Вунсторф припаѓаат местата:

• Блуменау (со Лите)
• Бокело
• Гросенхајдорн
• Клајн Хајдорн
• Идензен (со Идензермор и Нинграбен)
• Коленфелд
• Луте
• Месмероде
• Штајнхуде
• Вунсторф

Политика

Градски совет

Градскиот совет се состои од 40 членови. Распределбата на места во советот, избрани на 11 септември 2016 година:

SPD:	16 места
CDU:	13 места
GRÜNE:	4 места
FDP:	2 места
AfD:	4 места
независни:	1 место

Градоначалник

Од 1999 година градоначалник на Вунсторф е Ролф-Аксел Еберхарт (CDU).

Збратимени градови

Вунсторф е збратимен со следниве градови:

• Волмирштет, Германија
• Флер, Франција
• Хошчно, Полска

Сообраќај

Вунсторф има два излези на автопатот А2.

Железничката станица Вунсторф има редовни врски со Хановер преку локални и регионални возови, како и врски до Минден и Нинбург. Локалната автобуска мрежа дозволува врски со возови до/од Хановер.

Најблизок комерцијален аеродром е Хановер-Лангенхаген, околу 25 километри преку А2 и A352.

Познати луѓе

• Хајнц-Јоахим Бархман (р. 1950) — политичар
• Ернст Јингер (1895–1998) — писател
• Поликарп Лајзер IV (1690–1728) — протестантски теолог филозоф, лекар, правник и историчар
• Јост Шмит (1893–1948) — типограф сликар и учител
• Андреас Шпенглер (р. 1947) — психијатар и психотерапевт

Галерија

• 
  Црквата „Св. Кузман и Дамјан“
• 
  Средиштето на градот
• 
  Градската библиотека
• 
  Ветерница Паула во Штајнхуде

Наводи

1. „Населеност на окрузите, општините и месните заедници во Долна Саксонија на 31 декември 2020“. Служба за статистика и комуникациска технологија на Долна Саксонија. јули 2021. (германски)

Надворешни врски

• Вунсторф на Ризницата ^?
• Официјална страница (германски)