Баден-Виртемберг

Баден-Виртемберг (германски: Baden-Württemberg) — сојузна покраина во југозападна Германија, источно од горниот тек на реката Рајна. Ова е трета по големина покраина (по површина и по население) од вкупно шеснаесетте покраини, со површина од 35,742 км² и 10,7 милиони жители. Главен град е Штутгарт.

Баден-Виртемберг Baden-Württemberg
покраина
Знаме Грб
Земја	Германија
Главен град	Штутгарт
Управа
• Орган	Собрание на Б-В
• Премиер	Винифред Кречман (Зелени)
• Владејачки партии	Зелени / ДХС
• Гласови во Бундесратот	6 (од 69)
Површина[1]
• Вкупно	35.751,46 км2 (1,380,372 ми2)
Население (2017-12-31)[2]
• Вкупно	11,023,424
• Густина	0/км2 (00/ми2)
Час. појас	CET (UTC+1)
• Лето (ЛСВ)	CEST (UTC+2)
ISO 3166	DE-BW
БДП (номин.)	477 млјд. € (2016)[3]
БДП/жит	42.000 € (2015)
ИЧР (2017)	0.950[4] многу висок
Мреж. место	baden-wuerttemberg.de

Географија

Покраината граничи со Швајцарија на југ, со Франција на запад и со германските покраини Рајнска област-Пфалц, Хесен и Баварија.

Поголеми градови во Баден-Виртемберг се Штутгарт, Манхајм, Карлсруе, Фрајбург, Хајделберг, Хајлброн, Лудвигсбург, Улм, Тибинген, Пфорцхајм и Ројтлинген.

Реката Рајна ги образува западната, како и поголеми делови од јужната граница. Шварцвалд (герм. Црна Шума) — главниот планински венец на покраината, кој започнува од исток од долината на Рајна. Баден-Виртемберг ги дели Боденското Езеро и ограноците од Алпите со Швајцарија.

Дунав извира од Баден-Виртемберг, во близина на градот Донауешинген, кај месноста Фуртванген на Шварцвалд.

Административна поделба

Баден-Виртемберг е поделен на 35 окрузи, групирани во четири административни подрачја (владини окрузи): Фрајбург, Карлсруе, Штутгарт и Тибинген.

Алб-Дунав Беблинген Биберах Боденско Езеро Брајсгау-Горен Шварцвалд Валдсхут Гепинген Емендинген Енц Еслинген Зигмаринген Источен Алб

Калв Карлсруе Констанц Лерах Лудвигсбург Мајна-Таубер Некар-Оденвалд Ортенау Равенсбург Рајна-Некар Раштат Ремс-Мур

Ројтлинген Ротвајл Тибинген Титлинген Фројденштат Хајденхајм Хајлброн Хоенлое Цолерналб Шварцвалд-Бар Швебиш Хал

Кампањски леток. Текстот вели: "Ние можеме да правиме сѐ - со исклучок да „зборуваме стандарден германски“; Ова е алузија на фактот дека многу жители на Баден-Виртемберг зборуваат многу различни регионални дијалекти

Исто така постојат и девет слободни градови кои не припаѓаат на ниту една област:

1. Баден-Баден
2. Фрајбург
3. Хајделберг
4. Хајлброн
5. Карлсруе
6. Манхајм
7. Пфорцхајм
8. Штутгарт
9. Улм

Историја

Сојузната покраина се состои од историските држави Баден, Хоенцолерн и Виртемберг.

По Втората светска војна, сојузниците воспоставиле три единици: Виртемберг-Баден (окупиран од САД), Виртемберг-Хоенцолерн (Франција) и Баден (Франција). Во 1952 година, овие единици се спојуваат со што ја образувааат денешната Баден-Виртемберг; Конституцијата од 1949 содржела специјална клаузула (Член 118) која го овозможила спојувањето на единиците.

Наводи

1. „The State and its people“. Baden-Württemberg. Посетено на 18 December 2016.
2. „Bevölkerung nach Nationalität und Geschlecht am 31. Dezember 2017“. Statistisches Landesamt Baden-Württemberg (германски). 2018.
3. Baden-Württemberg, Statistisches Landesamt. „Bruttoinlandsprodukt – in jeweiligen Preisen – in Deutschland 1991 bis 2016 nach Bundesländern (WZ 2008) – VGR dL“. www.vgrdl.de. Архивирано од изворникот на 2015-06-26. Посетено на 2020-03-11.
4. „Sub-national HDI - Area Database - Global Data Lab“. hdi.globaldatalab.org (англиски). Посетено на 2018-09-13.

Надворешни врски

• Службен портал на Баден-Виртемберг
• Повеќе податоци за Баден-Виртемберг Архивирано на 29 август 2005 г.