Аланис Морисет
From Wikipedia, the free encyclopedia
Аланис Надин Морисет (изворно: Alanis Nadine Morissette) (родена на 1 јуни 1974, во Отава) е канадска пејачка,[1] текстописец, музички продуцент и повремена глумица. Позната е по создавањето на еден од најпродаваните албуми во историјата на музичката индустрија, и има освоено и седум Греми награди.
Аланис Морисет Alanis Morissette | |
---|---|
Основни податоци | |
Родено име | Аланис Надин Морисет |
Роден(а) | 1 јуни 1974
Отава |
Потекло | Канада |
Жанр(ови) | Рок, денс, алтернатив рок, поп-рок, пост-гранџ |
Занимање/ња | Пејач, текстописец, глумица, продуцент |
Инструменти | Гитара, флејта, армоника, синтисајзер, вокал |
Години на активност | 1987 - сѐ уште |
Продукциска куќа/ќи | MCA, Maverick |
Мрежно место | www.alanis.com |
Кариерата ја започнува во Канада, кога уште како дете снима два денс-поп албуми, Alanis и Now Is the Time, под издавачката куќа „MCA Records“. Нејзиниот меѓународен деби албум е Jagged Little Pill. Продаден е во триесет милиони примероци, со што е најдобропродаваниот деби албум од женски изведувач.[2][3][4]
Морисет ја презема и должноста на продуцент за нејзините следни албуми, меѓу кои се Supposed Former Unfatuation Junkie, Under Rug Swept и So-Called Chaos.
Има извршено влијание врз неколку пејачки и женски текстописци во првата деценија од XXI век, како Кели Кларксон, Мишел Бранч, Пинк и Аврил Лавињ.