англиски велосипедист From Wikipedia, the free encyclopedia
Адам Мајкл Блајт (англиски: Adam Michael Blythe; р. 1 октомври 1989 ) — поранешен англиски професионален велодромски и друмски велосипедист, кој возел професионално во периодот 2010-2019 за екипите Аксент Џобс-Ванти, НФТО, Орика-ГринЕЏ, Тинкоф, Аква Блу Спорт и Лото-Судал.[2]
Блајт на Три дена Де Пане 2015 | |||
Лични податоци | |||
---|---|---|---|
Цело име | Адам Мајкл Блајт | ||
Прекар | Тајрон (Tyrone)[1] | ||
Роден | 1 октомври 1989 Шефилд, Англија, ![]() | ||
Висина | 1,75 м[1] | ||
Маса | 68 кг[1] | ||
Податоци за клубот | |||
Мом. клуб | пензиониран | ||
Дисциплина | друмски и велодромски велосипедизам | ||
Улога | возач | ||
Вид на возач | спринтер | ||
Аматерски клубови | |||
— 2007 јан/фев 2008 март 2008– крај на 2008 2009 2009 | Шефилд Феникс СајансинСпорт-Трек Пинарело Вилерклуб Дес Спринтерс Малдерен Коника Минолта DAVO Сајленс-Лото (стажант) | ||
Професионални клубови | |||
2010–2011 2012–2013 2014 2015 2016 2017-2018 2019 | Омега Парма-Лото Аксент.џобс-Вилемс Веранда НФТО Про Сајклинг Орика-ГринЕЏ Тинкоф Аква Блу Спорт Лото-Судал | ||
Значајни победи | |||
|
Блајт започнал со велосипедизам уште од најрана возраст и станал член на олимписката развојна екипа на британската велосипедска федерација.
Роден во Шефилд, Блајт започнал со велосипедизам на рана возраст во клубот Шефилд Феникс. Велосипедизмот бил семејна активност, неговата сестра Кимберли Блајт била исто така доста успешна како млад возач.
Блајт станал јуниорски спортист на годината од Дарбишир во изборот на годишните награди за спортист на годината во Источен Мидлендс во 2005.[3]
Блајт ја напуштил академијата во февруари 2008 и заминал да се трка во Белгија.[4] Останал со поранешниот професионален велосипедист, Тим Харис, во Вестмербек, близу Антверпен. Блајт ја добил стипендијата од Cycling Time Trials со цел настап на континентот и понатамошен развој. Настапувал за Вилерблуб Дес Спринтерс Малдерен, што е помошен клуб за некоја професионална екипа.[5]
Блајт се вратил во Белгија да вози за екипата ДАВО во 2009, под надзорот на Курт ван дер Вувер, поранешен професионален велосипедист.[6] Се приклучил на професионалната екипа Сајленс-Лото како стажант во јули 2009,[7] додека на 7 септември 2009 потпишал двегодишен договор со Сајленс-Лото поради добрите резултати за екипата.[8][9]
Во 2012 година, Блајт го следел неговиот колега и близок пријател Филип Жилбер во приклучувањето во Аксент.џобс-Вилемс Веранда.[10] Во октомври 2012, Блајт спринтал до победа на полукласикот Бинше-Турне-Бинше.[11]
Во 2014 година Блајт ќе вози за новата британска екипа НФТО.[12] Во 2015 година ќе ја промени екипата и ќе настапува за Орика-ГринЕЏ.[13] По една сезона, во август 2015 година било објавено дека Блајт ќе премине во Тинкоф-Саксо за сезоната 2016, каде повторно ќе се спои со спортскиот директор Шон Јејтс, кој работел со Блајт во текот на неговиот период во НФТО.[14]
Откако Тинкоф се распаднал на крајот на 2016 година, Блајт се приклучил на екипата Аква Блу Спорт во нивната прва сезона.[15][16]
По соопштението дека се распаѓа Аква Блу Спорт, во септември 2018 година Блајт објавил дека ќе се врати во Лото-Судал за сезоната 2019, поврзувајќи се со поранешниот колега од Орика-ГринЕЏ, Кејлеб Јуан, како дел од неговиот спринтерски воз, со дополнителна улога како помошник за класиците.[17]
Во октомври 2019 година, Блајт објавил дека ќе се повлече на крајот на сезоната.[2]
Блајт е коментатор на Јуроспорт за велосипедизам, откако претходно работел при преносот на каналот на големите трки во текот на завршната професионална сезона во 2019 година.[18] Исто така, бил известувач од терен за NBC Sports при преносот на Тур де Франс 2020,[19] и повторно ја извршувал таа улога во 2021 година.[20]
Во ноември 2019 година, Блајт објавил дека ќе биде дел од велосипедскиот бренд за облека CHPT3 со Дејвид Милар како дел од тимот за маркетинг.[18]
СО = се откажал; — = не учествувал
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.