Kala Patthar

Kala Patthar, aratinyo 'batu itam' dalam bahaso Nepali jo Hindi, adolah ciek bukik tanamo nan tadapek di lereng salatan Pumori di pagunuangan Himalaya Nepal nan lataknyo di ateh Gorakshep. Walaupun indak dapek disabuik gunuang, karano katinggian manjulangnyo anyo 10 m or 33 ft,^[1] pandakian Kala Patthar sangaik populer dek para pandaki di wilayah Gunuang Everest karano marupoan tampek nan paliang mudah dicapai untuak maliek pamandangan Everest nan jaleh dari dakek. Karano bantuak struktur Masif Everest, puncak tatingginyo tahalang dek Nuptse pado sabagian gadang wilayahnyo. Pamandangan Everest, Nuptse, jo Changtse taliek sangaik luar biaso dari Kala Patthar sarato sakileh taliek juo sisi utara jo puncak Lhotse. Kamera web tatinggi di dunia, Mount Everest webcam, tadapek di sinan.

Kala Patthar
Kala Patthar jo Pumori di lata balakang
Katinggian	5,644.5 m (18,519 ft)
Lokasi
Kala Patthar Lokasi di Nepal
Latak	Khumbu, Nepal
Jajaran	Khumbu Himal
Koordinat	27°59.750′N 86°49.705′E
Pandakian
Rute mudah	Pandakian dari Gorakshep

Gambaran

Pandakian Kala Patthar dimuloi di Gorakshep (5,1645,164 m or 16,942 ft), iyolah pangkalan dasa (base camp) awa untuak mandaki Gn. Everest. Satalah turun saketek ka dasa danau kuno (kini tampek danau ketek jo helipad), pandakian akan naiak sacaro curam sabalun manjadi agak rato karano malinteh sisi timur gunuang. Kudian jalua manjadi curam sakali lai sampai mancapai puncaknyo nan banyak barangin. Di sinan, paralu limo-inggo-sapuluah menit lai mamanjek babatuan untuak mancapai puncak tatingginyo, nan ditandoi jo bandera-bandera doa. Tadapek geocaching YETI nan dipasang dakek puncak tu. GS9EBG. Kasaluruahan pandakian biasonyo mamakan wakatu 1.5 inggo 2 jam. Kok pandakian dimuloi dari Lobuche, pajalanan ka mamakan wakatu tambahan duo inggo tigo jam lai (satu arah).

Gunuang Everest dicaliak dari Kala Patthar

Katinggian tampet ko umumnyo dicatat sabagai 5,545–5,550 (18,192–18,209 kaki). Ciek sumber manyabuik katinggiannyo 5,600 meter/18,373 kaki.^[2] Asisten Profesor Portland State University Dr. Luis A. Ruedas mamakai Garmin eMap GPS unit ka puncak tu pado 6 Desember 2006. Unit-unit tu bakamampuan mambue rato-rato dari pambacoan satelit sacaro individual, inggo mambueknyo labiah akurat daripado pambacoan mesin tungga. Rato-rato pambacoan 48 unit pado 06.25 jam lokal Nepal, temperatur −20 °C, GPS mancatat lokasi puncak sabagai 27°59.750'N, 86°49.705'E (datum: WGS84), jo katinggian 5,6435,643 m (18,514 ft). Walau alah mamparetongkan fakta baso di puncak tu ado kiro-kiro tumpuakan batu nan ditambahan untuak marayakannyo, salisiah nan ditamuan cukuik nyato babandiang catatan katinggian sabalunnyo. Unit nan samo konsisten juo pado pancatatan katinggian di Gorakshep jo Pangkalan Dasa Everest (Everest Base Camp). Pado Oktober 2008, sabuah GPS jo WAAS mancatat puncak tu pado 27°59.751'N, 86°49.705'E (datum: WGS84) bakatinggian 5,644.55,644.5 m (18,519 ft), nan mangkonfirmasi data taun 2006.

Pamandanga Gn Everest dari titiak Kala Patthar pado Nopember 2016

Mungkin sajo karano Kala Patthar anyo marupoan salah satu puncak ketek di pabukikan dalam pajalan manuju Pumori, urang babedo-bedo dalam maukua katinggian puncak-puncak tu. Tadapek puncak ketek di pabukitan tu dakek 27°59.51'N, 86°49.62'E nan bakatinggian labiah kurang 5,5455,545 m (18,192 ft). Puncak tu sacaro tradisional disabuik sabagai Kala Patthar diiasi jo banyak bana bandera-bandera doa, inggo mudah diliek jo dikenali. Iko lah puncak nan dicatat bakatinggian 5,6435,643 m (18,514 ft). Jaleh baso titik nan didaki para pandaki adolah puncak tatinggi lokal (local maxima) di pabukikan Pumori, indak puncak nan dinamoan Kala Patthar nan sabananyo. Titiak tu labiah tinggi daripado Kala Patthar, tapi namo nan samo tatap digunoan sacaro populer.

Parubahan iklim

Pado Desember 2009, Pardano Mantari Madhav Kumar Nepal jo Kabinet Nepal maadoan rapat kabinet singkek di dasa Kala Patthar sabagai tangapan ateh issue parubahan iklim (climate change).^[3]

Galeri

• 
  Pamandangan Everest jo Gletser Khumbu dari puncak Kala Patthar
• 
  Pangkalan Dasa Nepal untuak mandaki Everest di suduik bawah paliang suok jo Khumbu di kida
• 
  Surang pandaki malinteh jalua Kala Patthar
• 
  Dakek puncak KP, puncaknyo dilata-balakangi dek salju putiah dari pagunuangan nan labiah jauah
• 
  Pamandangan lain puncak KP, jo Pumori lai di lata balakang

Rujuakan

1. Templat:Cite peakbagger
2. Trekking in the Everest Region. Jamie McGuiness. fifth edition 2009. Trailblazer Publications. page 28.
3. "Nepali cabinet meets at Everest base camp". Hindustan Times. 4 December 2009. Diarsipkan dari versi asli tanggal 2011-09-28. Diakses tanggal 2014-03-11.