Universitas Al-Azhar
From Wikipedia, the free encyclopedia
Universitas Al-Azhar (diijo "Az-har", bahaso Arab: جامعة الأزهر الشريف; Al-ʾAzhar al-Šyarīf, Al-Azhar Mulia), adolah salah ciek pusek jalo pandidikan sastra Arab jo pangkajian Islam Sunni di dunia.[1] Universitas iko dicatat sabagai universitas pangagiah gala paliang tuo kaduo di dunia.[2] Universitas iko bakaik jo musajik Al-Azhar di wilayah Kairo Kuno.
جامعة الأزهر Jami'at Al-ʾAzhar al-Šyarīf | |
Jinih | Publik, Pangkajian Islam |
---|---|
Ditagakan | 970~972 M |
Afiliasi | Islam |
Rektor | Dr. Ibrahim al-Hudhud |
Lokasi | , |
Kampus | Urban |
Situs web | official website |
Mulonyo universitas iko dibangun dek Bani Fatimiyah nan manganut mazhab Syi'ah Ismailiyah, sangkek itu namo Al-Azhar diambiak dari namo Sayyidah Fatimah az-Zahra, putri Nabi Muhammad. Musajiknyo dibangun sakitar tahun 970-972. Palajaran dimulai di Al-Azhar pado Ramadan Oktober 975, katiko katua Mahkamah Agung Abul Hasan Ali bin Al-Nu'man mulai maaja mamakai buku "Al-Ikhtisar" manganai topik yurisprudensi Syi'ah. Madrasah, yakni tampek pandidikan agamo, nan tahubuang jo musajik dibangun pado tahun 988. Balakangan, tampek iko manjadi sikolah bagi kaum Sunni manjalang abad pertengahan, dan taruih tajago hinggo kini.[1] Pado 1961, mato palajaran non-agamo ditambahan ka kurikulumnyo.[3]
Pado maso kini, misi universitas iko antaro lain adolah panyabaran agamo jo budaya Islam. Untuak tujuan iko, para sarjana Islam (ulama) mangaluaaan maklumat (fatwa) untuak manjawek babagai parmasalahan nan ditanyoan kapado mereka dari sauruah dunia Islam Sunni, mangenai parilaku individu atau masyarakaik muslim nan tapek (contohnyo baru-baru iko adolah fatwa manganai klarifikasi jo palarangan tarhadap pamotongan alaik kelamin padusi). Al-Azhar juo malatih pandakwah nan ditunjuak dek pamarentah Mesir.
Perpustakaan Al-Azhar dianggap nomor duo paliang pantiang di Mesir sasudah Perpustakaan dan Arsip Nasional Mesir. Al-Azhar nan bakonco jo ITEP, suatu parusahaan teknologi informasi Dubai, pado bulan Mei 2005 maluncuaan Proyek YM Sheikh Mohammed bin Rashid Al Maktoum untuak Malestarian jo Mampublikasian Naskah Al-Azhar Sacaro Online ("Proyek Al-Azhar Online"); dengan mambaok misi untuak maagiah akses online kapado masyarakaik ka sauruh koleksi manuskrip langka (tadiri dari sakitar tujuah juta halaman) nan dimiliki perpustakaan Al-Azhar.[4]