From Wikipedia, the free encyclopedia
Masakan Sunda adolah masakan dari masyarakat Sunda di Jawa Barat jo Banten, Indonesia. Iko adolah salah salah satu makanan nan paling populer di Indonesia. Makanan Sunda punyo ciri khas, manggunoan bahan-bahan nan matah, lalap biasonyo acok makan jo sambalado. Ado pulo karedok nan manandoi kegemaran urang Sunda taadok sayua mantah. Babeda jo masakan Minangkabau nan tanamo jo raso padeh jo kanduangan bumbu kari jo santan nan tanamo, masakan Sunda tanamo jo raso nan ringan, sederhana, jo jaleh; antara gurih asin, asam segar, manis ringan, jo padeh.
Dalam budayo masyarakaik Sunda kegiatan Ngaliwet adolah tradisi nan acok diakuan, sabuah Nasi Liwet jo caro panyajian nasi liwet jo lauak nan dimakan di ateh daun pisang, salain itu ado pulo Papahare, Botram atau Bancakan.
Sambal terasi adolah bumbu nan palian acok dipakai dalam hidangan Sunda, dimakan dengan lalab atau tahu dan tempe goreng. Sayur asem jo kuah babumbu asam jawa mungkin adolah sayua nan paliang acok ado dalam hidangan Sunda. Jinih sayuran populer lain adolah Soto Bandung, sajinih soto jo irisan dagiang sapi jo lobak, sarato mie kocok, sajinih mi dengan dagiang sapi jo kikil.
Ikan air tawar saupo ikan rayo, gurami, ikan nila, jo lele acok dimakan jo dimasak jo caro dibaka atau digoreng, umumnyo disajian jo sambal jo kecap manis. Urang Sunda tanamo dek suko jo ikan asin dari hidangan laut. Babagai hidangan ikan laik nan disajian sarupo ikan asin bulu ayam, teri, cumi-cumi, jambal, ikan peda asin, jo ikan pari asin lazim ditamuan dalam idangan Sunda saari-ari. Pepes atau palai adolah caro mamasak jo manggunoan daun pisang sabagai pambungkuih bahan makanan. Metode pepes iko acok ditamuan dalam masakan Sunda. Di antaronyo, pais lauk emas atau palai ikan rayo nan paliang disukoi.
Dagiang ayam biasonyo digoreang atau dipanggang, ado pulo biasonyo disajian jo sambalado jo kecap manih. Bakakak hayam adolah ayam baka khas Sunda. Acok pulo ayam dimasak jo caro dimasak jo pepes atau sup. Dagiang merah sarupo dagiang sapi, kabau, kambiang, jo domba dapek dibumbui jo campuan bumbu jo gulo jao juo digoreang manjadi empal gepuk nan ditambah jo taburan bawang goreng. Dagiang sapi jo kantang kadang pulo dimasak jo bumbu kecap manih sabagai semur daging. Ati sapi jo jariang acok dimasak semur. Dagiang kambiang jo domba biasonyo dijadian sate, sate khas Sunda adolah sate maranggi jo bumbu manganduang kecombrang. Gulai kambiang jo empal gentong dari Cirebon juo populer sabagai sup dagiang.
Urang Sunda sangaik suko jo oncom, nan marupoan makan asia fermentasi jo jinih kapang dari kacang tanah. Seni mamasak Sunda tanamo jo caro mamasak jo metode fermentasi salain oncom diantaronyo adolah: tauco (hasil adaptasi masakan Tionghoa Indonesia), atau makanan ringan sarupo peuyeum (tapai) baiak dari bareh katan atau ubi parancih.
Di rumah makan atau warung nasi Sunda, caro makan biasonyo manggunoan makan jo tangan. Biasonyo disadioan kobokan, samangkuak aia barasiah nan kadang diagiah pulo jo asam kapeh sairih nan maagiah aroma segar. Kobokan iko digunoan untuak mambarasian tangan sabalum jo sasudah makan. Kobokan biosonya juo disadion di rumah makan Padang jo rumah makan idangan lauik.
Rumah makan tradisional Sunda biasonyo manyajian caro basantap sacaro lesehan; yaitu makan sambia duduak di ateh lapiak. Makanan biasonyo disajian di ateh meja randah, atau kadang di ateh lapiak. Caro makan iko samo jo caro makan tradisional Japang di ateh tatami. Rumah makan tradisional Sunda di daerah pedesaan ado nan bagaya saung, yaitu babarapo bangunan rumah pangguang ketek nan umumnya dibangun di ateh kolam ikan. Kolam ikan itu biasonyo sakaligus mamaliaro ikan rayojo gurami nan dapek dipiliah langsuang dek palanggan untuak langsuang dimasak.
Dalam kebudayaan populer Indonesia, rumah makan Sunda biasonyo dapek ditandoi jo namo "Kuring", sainggo timbua salah kaprah karano makanan istilah "masakan kuring". Istilah kuring dalam bahasa Sunda barati 'saya', 'aku' atau gue sacaro informal, santai, jo agak kasa. Panamoan ini akibaik babagai rumah makan bausao maniru namo rumah makan Sunda tanamo sarupo Lembur Kuring (Bahasa Sunda: "Kampung Halamanku"). Babarapo contoh rumah makan Sunda antaro lain Lembur Kuring, Sari Kuring, Ponyo, Boboko, Mang Engking, Ma' Uneh, Sindang Reret, Dapur Sunda, Bumbu Desa, Laksana, jo Ampera.
Media tantang Masakan Sunda di Wikimedia CommonsSeamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
