Urang Sunda

Urang Sunda adolah kalompok etnis nan barasa dari bagian barat pulau Jawa, Indonesia, jo istilah Tatar Pasundan nan mancakuik wilayah administrasi provinsi Jawa Barat, Banten, Jakarta, Lampung, jo wilayah barat Jawa Tengah (Banyumasan). Etnis Sunda marupokan etnis kaduo tagadang di Indonesia. Sakurang-kurangnyo 15,2% panduduak Indonesia marupokan urang Sunda. Jikok Suku Banten dikategorikan sabagai sub etnis Sunda mangko 17,8% panduduak Indonesia marupokan urang Sunda. Mayoritas urang Sunda baragamo Islam, tapi ado juo sabagian ketek nan baragamo Kristen, Hindu, jo Sunda Wiwitan/Jati Sunda. Agamo Sunda Wiwitan masih batahan di babarapo komunitas padesaan urang Sunda, sarupo di Kuningan jo masyarakaik Baduy di Lebak Banten nan bakarabaik dakek jo dapek dikategorikan sabagai urang Sunda.

Urang Sunda ᮅᮛᮀ ᮞᮥᮔ᮪ᮓ
Wiranata Koesoema V Dewi Sartika Oto Iskandar di Nata Umar Wirahadi Kusumah Roekiah Djuanda Kartawidjaja Ali Sadikin Daeng Soetigna Achdiat K. Mihardja Ajip Rosidi Marty Nata Legawa Ahmad Heryawan Robby Darwis Gita Gutawa Taufik Hidayat Rossa
Jumlah populasi
Setidaknya 36.701.670 jiwa[1] di Indonesia
Kawasan bapopulasi cukuik banyak
Jawa Jawa Barat 31.743.517 Banten 2.411.937 DKI Jakarta 1.555.646 Jawa Tengah 339.997 Jawa Timur 41.224 Sumatera Lampung 675.270 Sumatera Selatan 182.535 Riau 93.598 Kalimantan Kalimantan Barat 53.191 Sulawesi Sulawesi Tenggara 25.228 Papua Papua 28.597
Bahaso
Bahaso Sunda, Bahaso Indonesia.
Agamo
Mayoritas Islam, namun ado saketek nan baagamo Sunda Wiwitan, Hindu, jo Kristen
Kalompok etnik takaik
Suku Jawa, Suku Banten, Suku Cirebon, Suku Baduy jo Suku Betawi.

Jati diri nan mampasatukan urang Sunda adolah bahasonyo jo budayonyo. Urang Sunda dikenal punyo sifat optimistis, ramah, sopan, jo riang.^[2] Urang Portugih mancatat dalam Suma Oriental baso urang Sunda basifat jujur jo bagak. Urang Sunda juo adolah nan partamo kali malakukan hubuangan diplomatik sacaro sajajar jo banso lain. Sang Hyang Surawisesa atau Rajo Samian adolah rajo partamo di Nusantara nan malakukan hubuangan diplomatik jo banso lain pado abaik ka 15 jo urang Portugih di Malaka. Hasia dari diplomasinyo dituangkan dalam batu basurek Pajanjian Sunda-Portugal. Babarapo tokoh Sunda juo manjabaik Mantari jo panah manjadi wakil Presiden pado kabinet RI.

Disampiang prestasi dalam bidang politik (khususnyo pado awal maso kamardekaan Indonesia) dan ekonomi, prestasi nan cukuik mambanggakan adolah pado bidang budayo iyolah banyaknyo panyanyi, musisi, aktor, jo aktris dari etnis Sunda, nan punyo prestasi di tingkek nasional, maupun internasional.^[3]

Rujuakan

1. Kewarganegaraan, Suku Bangsa, Agama dan Bahasa Sehari-hari Penduduk Indonesia Hasil Sensus Penduduk 2010. Badan Pusat Statistik. 5 Oktober 2011. ISBN 9789790644175. http://sp2010.bps.go.id/files/ebook/kewarganegaraan%20penduduk%20indonesia/index.html.
2. "Sundanese Culture". Diarsipkan dari versi asli tanggal 2022-09-29. Diakses tanggal 2014-01-27.
3. Rosidi, Ayip. Revitalisasi dan Aplikasi Nilai-nilai Budaya Sunda dalam Pembangunan Daerah.

Caliak pulo

• Daftar tokoh Sunda