![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3a/E._coli_Bacteria_%25287316101966%2529.jpg/640px-E._coli_Bacteria_%25287316101966%2529.jpg&w=640&q=50)
Bakteri
From Wikipedia, the free encyclopedia
Bakteri (dari kato Latin bacterium; jamak: bacteria) adolah kalompok organisme nan indak mampunyoi membran inti sel.[4] Organisme ko tamasuak ka dalam domain prokariota jo baukuran ketek sangaik (mikroskopik), sarato mampunyoi paran gadang dalam kahidupan di bumi.[4] Babarapo kalompok bakteri tanamo sabagai agen panyabab infeksi jo panyakik, samantaro kalompok lainnyo dapek maagiah manpaaik dibidang pangan, ubek, jo industri.[5] Struktur sel bakteri relatif sederhana: tanpa nukleus/inti sel, karangko sel, jo organel-organel lain sarupo mitokondria dan kloroplas.[5] Hal ikolah nan manjadi pambeda antaro sel prokariot jo sel eukariot nan labiah kompleks.[6]
Bakteri Temporal range: Arkean atau sabalunnyo – Kini Pha.
Proterozoic
Archean
Had'n
| |
---|---|
![]() | |
Escherichia coli, salah satu bakteri babantuak batang | |
Klasifikasi ilmiah | |
Domain: | Bacteria Woese et al., 1990[1] |
Fila/Divisio[2] | |
Actinobacteria
Aquificae
Acidobacteria | |
Sinonim | |
Eubacteria Woese & Fox, 1977[3] |
Bakteri dapek ditamukan di ampia sado tampek: di tanah, aia, udaro, dalam simbiosis jo organisme lain ataupun sabagai agen parasit (patogen), bahkan dalam tubuah manusia.[7][8][9][10] Pado umumnyo, bakteri baukuran 0,5-5 μm, tapi ado bakteri tatantu nan dapek mancapai diameter 700 μm, iyolah Thiomargarita.[11] Umumnyo mampunyoi dindiang sel, sarupo sel tumbuahan jo cindawan, tapi jo bahan pambantuak nan amaik babeda (peptidoglikan).[12] Babarapo jinih bakteri basipaik motil (talok manggarik) jo mobilitasnyo ko dek adonyo flagel.[13]