![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d6/EMpylori.jpg/640px-EMpylori.jpg&w=640&q=50)
Patogen
From Wikipedia, the free encyclopedia
Patogen (bahaso Yunani: παθογένεια, "panyabab sansai") adolah agen biologis nan manyababkan panyakik pada induaknyo.[1] Sabutan lain dari patogen adolah mikroorganisme parasit.[2] Umumnyo istilah iko diagiah untuak agen nan mangacaukan fisiologi normal binatang atau tumbuahan multiselular. Namun, patogen dapek pulo mainfeksi organisme uniselular dari sadoalah karajaan biologi.[1]
![Thumb image](http://upload.wikimedia.org/wikipedia/commons/thumb/d/d6/EMpylori.jpg/320px-EMpylori.jpg)
Umumnyo, hanyo organisme nan sangaik patogen nan dapek manyababkan panyakik, samantaro sisonyo jarang manimbulkan panyakik. Patogen oportunis adolah patogen nan jarang manyababkan panyakik pado urang-urang nan mampunyoi imunokompetensi (immunocompetent), tapi dapek manyababkan panyakik/infeksi nan barek pado urang nan indak mampunyoi imunokompetensi (immunocompromised).[1] Patogen oportunis iko umumnyo adalah anggota dari flora normal pado tubuah.[1] Istilah oportunis surang marujuak pado kamampuan dari suatu organisme untuak maambiak kasampatan nan diagiah dek panurunan sistem patahanan induak untuak manimbulkan panyakik.[1]
Pado umumnyo sadoalah patogen panah barado di lua sel tubuah jo rantang wakatu tatantu (ekstraselular) katiko inyo tapapar dek mekanisme antibodi, tapi wakatu patogen mamasuaki fase intraselular nan indak tajangkau dek antibodi, sel T ka mamainkan parannyo.[3]