13 сӱрем (13 июль) — григориан кечышот почеш идалыкын 194-ше (кужемдыме ийлаште — 195-ше) кечыже. Идалык пытыме марте 171 кече кодеш.
Казахстан — Кугыжаныш лӱдыкшыдымылык службын пашаеҥже-влакын кечышт.
Шемкурык Эл — Кугыжаныш кече.
Японий — Бон пайрем (тошто еҥ-влакым шарныме кече, 16 июль марте шуйна).
- Католик лӱм-влак: Маргарита, Андрей, Генрих, Эрнест.
- Танле (православный) лӱм-влак: Андрей, Варфоломей, Иван, Матвей, Пётр, Сафон, Филипп, Фома, Иаков.
Тугак ончо: Категорий:Сӱрем тылзын 13 кечысе событий-влак
- 1871 ий — Лондонышто икымше гана пырыс-влак ончер эртен.
- 1882 ий — Российыште икымше телефон станций-влакым пашаш пуртымо.
- 1930 ий — Уругвайыште икымше футбол чемпионат тӱҥалын.
Тугак ончо: Категорий:Сӱрем тылзын 13 кечынже шочшо-влак
- 1969 ий — Эльвира Борисовна Сидоркина, тӱвыра пашаеҥ, книгагудо вуйлатыше. У Торъял кундем Тушнур ялеш шочын. Марий мер толкынышто тудо моткоч кугу пагалымашым сулен, VIII-ше марий погынын делегатше лийын.
- 1944 ий — Павел Михайлович Бастраков, кугыжаныш пашаеҥ. Шкеже У Торъял кундем гыч. Ончыч туныктымашыштат, партий пашаштат шуаралтын. Вара ял озанлык министерствышке куснен — министрын полышкалышыже лийын. 2001-ше ий гыч Павел Михайлович ты министерствынак паша да архив шотышто кучемын вуйлатышыже сомылым шуктен шога.
- 1960 ий — Надежда Валентиновна Огорельцева, туныктыш пашаеҥ. Ятыр ий йоча-влак дене пашам ышта, Маскасола кундемысе «Колокольчик» йочасадын вуйлатышыже. Ыштыме пашажлан Россий Федераций туныктыш да шанче министерствын чап таныкыше дене палемдалтын.
- 12 апостолын кечыже. Кугече семынак, тиде кечын муным чиялтеныт да икте-весылан пӧлекленыт.
- Тиде жапыште игечымат эскереныт. Петро кече деч варат куку мура гын, кеҥеж кужу лиеш – маныныт.
Марий калык пале
- Турий кудо вечла чонешта — тудо вечла йӱрым вучыман.