Ratsimandrava Richard

Ratsimandrava Richard dia miaramila sy mpitondra fanjakana malagasy, teraka tamin' ny 21 Marsa 1931 tao Mangarivotra, Antananarivo ary maty tamin' ny 11 Febroary 1975 tao Antananarivo. Nanampakatra an-dRazafindramoizina Thérèse izy ny 22 Septambra 1956 ary niteraka enina izy ireo. Nitondra an' i Madagasikara nandritra ny enina andro izy, nanomboka tamin' ny 5 ka hatramin' ny 11 Febroary 1975 nahafatesany taorian' ny namonoan' ny "fahavalom-pirenena" azy.

Mbola ambangovangony ity lahatsoratra ity ary tokony hofenoina. Azonao atao ny mandray anjara eto amin'ny Wikipedia amin'ny alàlan'ny fanitarana azy. Jereo koa ny pejy Ahoana ny manao takelaka rehefa te-hijery hoe ahoana no fanaovana azy.

Fianarana nataony

• 1938: Sekoly Ambavahadimangatsiaka Antsirabe
• 1940: 9éme hatramin' ny Terminales teny amin' ny Lycée Galliéni tao Andohalo Antananarivo
• 1952-1954: nanohy fianarana tao amin' ny Lycée Carnot tao Dijon
• 1954-1956: voaray soa amantsara tao amin' ny École Spéciale Militaire Interarmes de Saint-Cyr

Mari-boninahitra azony

• 20 Aogositra 1957: Commémoration AFN
• 14 Jiona 1966: Chevalier de l'Ordre national
• 14 Oktobra 1971: Officier de l'Ordre national
• 31 Desambra 1971: Chevalier de la Légion d'honneur
• 5 Febroary 1975: Grand Cordon de l'Ordre national

Ny asa sy adidy niandraiketany

• 1 Ôktôbra 1956: niofana tao amin' ny École d'application de l'Infanterie de St Maixent France raha mbola nitondra ny mariboninahitra Sous-lieutenant
• 1956-1958: niatrika ady tany Maroc sy Algérie
• 1 martsa 1958: nanao ny sekoly Infanterie coloniale
• 17 aogositra 1958: namarana ny fiofanana tao amin' ny École d'application de l'infanterie de Saint Maixent
• 1 Ôktôbra 1958: nahazo fisondrotan' ny mariboninahitra ho Lieutenant
• 5 Janoary 1959: nampianatra tao amin' ny Centre d'instruction des nouvelles recrues tao amin' ny Camp Galliéni tany Fréjus (Frantsa)
• 28 Ôktôbra 1959: nampianatra tao amin' ny Centre d'instruction des nouvelles recrues tao Beravina Fianarantsoa
• 11 Jiona 1960: voatendry ho Mpifehy ny Holafitra Faha-2, 1er Régiment Interarmes Malgache Antananarivo

• 1 Febroary 1962: nasondrotra hitondra ny mariboninahitra Kapiteny
• Nôvambra 1962: voatendry tao amin' ny Zandarmaria nasionaly
• Mey 1963: niofana ho Zandary tany Lodève (Hérault, Frantsa)
• Ôktôbra 1963: Niofana tao amin' ny Sekoly Manamboninahitra Zandary, Melun,(Frantsa)
• Jona 1964: Nahazo ny fanamarinam-pianarana tamin'ny Sciences criminologiques tao Paris
• Jolay 1964: Niverina indray teto Madagasikara ary izy no Manamboninahitra Zandary Malagasy voalohany
• Septambra 1964: Voatendry ho Lefitry ny Commandant du Groupement de la Gendarmerie tany Toamasina
• Aogositra 1967: Notendrena ho Lefitry ny Komandy Ambony tao amin' ny Zandarmaria nasionaly 1 Jiona 1968: Nahazo fisondrotan' ny mariboninahitra ho Lieutenant Colonel
• 1 Avrily 1969: Notoloran' ny Filohan' ny Repoblika Philibert Tsiranana ny Fanevan' ny Komandy ambony ao amin' ny Zandarmaria.

• 13 Mey 1972: voatondro ho nikomy tamin' ny Fanjakana mpitondra izy raha nanameloka ny fitifirana ny mpianatra Tolon' ny Mpianatra tamin' ny 13 Mey 1972
• 25 Mey 1972: Notendrena ho Minisitry ny Atitany, sady Komandin' ny Zandarmaria nasionaly, tamin' ny Governemanta notarihin' ny Jeneraly Ramanantsoa Gabriel
• 8 Ôktôbra 1972: fitsapan-kevi-bahoaka momba ny hananganana ny Fokonolona ka nandresen' ny "ENY"
• 1 Janoary 1973: nomena ny fisondrotan'ny mariboninahitra ho Kolonely
• Martsa 1973- desambra 1974: noho izy Minisitry ny Ati-tany no nahazoany ny solon' anarana hoe "Minisitry ny Ala-olana"

• 23 janoary 1975: rava ny Governemantan' ny Jeneraly Ramanantsoa Gabriel
• 5 febroary 1975: natolotry ny Jeneraly Ramanantsoa azy ny "Fahefana feno" hitondra ny Tany sy ny Fanjakana ka nanekeny fa "tsy hiamboho adidy" izy.

Ny mpikambana tao amin' ny governemantany

Tamin' ny 6 Febroary 1975 no voatsangana ny Governemanta Richard Ratsimandrava. Enina ambin' ny folo no isan' ny mpikambana (nanantombo isa 6 raha oharina tamin' ny isany mpikambana tao amin' ny governemanta Ramanantsoa, izay 11), ary 24 ora no nanangannan' i Kôlônely Richard Ratsimandrava azy.

Ireto ny mpikambana nandrafitra azy^[1]:

1. Jean Bemananjara (Transport),
2. Radio Célestin (Affaires Sociales),
3. Soja (Développement rural),
4. Willy Léonard (Économie et Commerce),
5. Joël Rakotomalala (Postes et Télécommunication),
6. Gilbert Sambson (Intérieur),
7. Gilles Andriamahazo ( Ministre d'État)
8. Richard Ratsimandrava (Chef de l' État, du Gouvernement et Défense Nationale) ,
9. Zakariasy Albert (Affaires Étrangères)
10. Venance Modeste (Justice)
11. Christian Rémi Richard (Éducation Nationale),
12. Andriamaholison Richard (Information et Tourisme)
13. Daniel Rajakoba (Travail et Fonction Publique)
14. Raveloson Mahasampo (Travaux publics)
15. Désiré Rakotoarijaona(finances)
16. Jean Pierre Totobesola (Jeunesse).

Ny nahafatesany

Talata 11 Febroary 1975 tamin' ny 8 ora alina: lavon' ny balan' i Zimbo teo Ambohijatovo ambony Ratsimandrava. Maty voatifitra niaraka taminy ny mpiambina azy GP2 Rabotovao Samuel sy GP2 Rakotoarisoa Bernard

Rohy hafa

• Pejy miresaka momba ny Ruchard Ratsimandrava

1. Lahatsoratra navoakan'i Yvon Namelankafatra Rakoto, tamin'ny 06 Février 2017 tao amin'ny Facebook.