Fiteny afsara

Ny fiteny afsara na fiteny afsary dia tenim-paritra torkika tenenin' ny Afsara any Torkia, any Iràna, any Siria, ary amin' ny ampahany amin' i Afganistàna. Misy ny mihevitra azy ho fitenim-paritry ny fiteny azerbaijany atsimo, nefa misy koa ny mihevitra azy ho fiteny ôgoza atsimo mahaleo tena. Amin' ny teny azerbaijany (na azary) dia atao hoe Əfşar dialekti io fiteny io.

Amin' ny haifiteny, ny fiteny afsary dia sokajiana ho fitenim-paritra ao amin' ny vondrona ôgoza atsimo amin' ny fiteny torkika (sampana atsimo-andrefan' ny fianakaviam-piteny torkika), na raha tsy izany dia tenim-paritra azerbaijany atsimo (na azery). Rehefa tafiditra tao anatin' ny tontolo miteny farsy anefa ny Afsara, dia matetika ny fiteny farsy no lasa tenin-dreniny. Lasa nahay fiteny roa ny vondrom-poko hafa (toy ny ao Kirmān). Fanampin' izany, ny fifampikasohana misy eo amin' ny fiteny samihafa dia toa nanova ny fitenim-paritra tany am-boalohany. Tamin' ny taona 2009 dia mbola nanavaka ny vondrom-poko Afsara samihafa ny haifiteny manao fampitahana.

Ny fiteny afsara dia miavaka amin' ny alalan' ny teny nindramina maro avy amin' ny fiteny persana sy ny fanaboriboriana feonteny /a/ mankany amin' ny [ɒ], tahaka ny niseho amin' ny fiteny ozbeka. Amin' ny tranga maro, ny zanapeo boribory amin' ny fiteny azerbaijany dia tsy boribory amin' ny fiteny afsara. Ohatra amin' izany ny /jiz/ (midika hoe "zato"), izay /jyz/ amin' ny fiteny azerbaijany mahazatra.

Jereo koa

• Vahoka torkika sasany: Azery - Baskira - Gagaoza - Iakoty - Kazàka - Kirgizy - Oigoro - Ozbeka - Tatara - Tiorka - Torkmena - Tovàna - Tsovasa
• Fiteny torkika sasany: fiteny afsara - fiteny argo - fiteny azery - fiteny baskira - fiteny gagaoza - fiteny iakoty - fiteny kaskay - fiteny kazàka - fiteny kiptsaka - fiteny kirgizy - fiteny ôgora - fiteny ôgoza - fiteny oigoro - fiteny ozbeka - fiteny tatara - fiteny tatara krimeana - fiteny tatara siberiana - fiteny tiorka - fiteny torkmena - fiteny tovàna - fiteny tsovasa