Ny fiteny oigoro na fiteny oigora dia fiteny torkika soratana amin' ny abidy persô-arabo oigoro, misy mpiteny eo anelanelan' ny 8 sy 13 tapitrisa, izay ampiasain' ny vahoaka oigoro voalohany indrindra ao amin' ny Faritra Mizakatena Oigoron' i Xinjiang any amin' ny tapany andrefan' i Sina. Ankoatra ny ao amin' ny tapany atsinanana amin' i Torkestana, dia misy vondrom-piarahamonina miteny oigoro koa any Kazakstana, any Pakistana, any Kirgizistana, ary any Ozbekistana, ary any amin' ny firenena maro hafa dia misy vondrom-piarahamonina vahiny miteny oigoro. Ny fiteny oigoro dia fiteny ôfisialy ao amin' ny Faritra Mizakatena Oigoron' i Xinjiang; ity fiteny ity dia ampiasaina betsaka amin' ny sehatra sôsialy sy ôfisialy, ary koa amin' ny gazety, amin' ny fahitalavitra ary amin' ny radio. Misy foko vitsy anisa hafa ao Xinjiang koa izay mampiasa ny fiteny oigoro ho fiteny andavanandro.
Ny fiteny oigoro dia anisan' ny sampana karloka ao amin' ny fianakaviam-piteny torkika, izay ahitana ny fiteny ozbeka koa. Sahala amin' ny fiteny torkika maro hafa, ny fiteny oigoro dia misy rindran-janapeo sy fanambatambarana hasinteny, tsy misy ny kilasin' anarana na kilahivavy, ary fiteny manana rafi-pehezanteny lazaina–fameno–matoanteny. Mampiavaka azy indrindra kokoa, ny fiteny oigoro dia ahitana ny fanakelezana zanapeo sy fiovam-peon' ny zanapeo rehefa tsy voatonona ny iray hafa manaraka, indrindra amin' ny fitenim-paritra avaratra. Ho fanampin' ny fiteny toorkika hafa, ny fiteny oigoro dia nianjadian' ny fiteny arabo sy ny fiteny persiana teo amin' ny tantara, ary vao haingana dia nisy fiantraikany aminy koa ny fiteny rosiana sy ny fiteny sinoa mandarina.
Ny rafi-panoratana avy amin' ny abidy arabo nasiam-panovana no mahazatra indrindra ary hany fenitra ao Sina, na dia ampiasaina ho amin' ny tanjona fanampiny sy ara-tantara aza ny rafi-panoratana hafa. Tsy toy ny ankamaroan' ny abidy hafa avy amin' ny amin' ny abidy arabo ny abidy arabo oigoro izay tsy maintsy manamarika ny zanatsoratra rehetra noho ny fanovàna ny abidy persô-arabo tany am-boalohany natao tamin' ny taonjato faha-20. Misy koa ny abidy latina roa sy abidy sirilika iray, na dia kely kokoa aza ny fampiasana azy ireo. Ireo abidy oigoro miorina amin' ny abidy latina sy arabo ireo dia manana tarehintsoratra miisa 32 avy; mampiasa zanatsoratra roa misy iôta (Ю [jo] sy Я [ja]) koa ny abidy sirilika oigoro.
Jereo koa
- Vahoka torkika sasany: Azery - Baskira - Gagaoza - Iakoty - Kazàka - Kirgizy - Oigoro - Ozbeka - Tatara - Tiorka - Torkmena - Tovàna - Tsovasa
- Fiteny torkika sasany: fiteny afsara - fiteny argo - fiteny azery - fiteny baskira - fiteny gagaoza - fiteny iakoty - fiteny kaskay - fiteny kazàka - fiteny kiptsaka - fiteny kirgizy - fiteny ôgora - fiteny ôgoza - fiteny oigoro - fiteny ozbeka - fiteny tatara - fiteny tatara krimeana - fiteny tatara siberiana - fiteny tiorka - fiteny torkmena - fiteny tovàna - fiteny tsovasa
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.