From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Lillian Diana Gish (14 oktober, 1893 in Springfield, Ohio te VS - 27 fibberwarie 1993, New York City, New York[1]) waor 'n Amerikaanse theater-,[2] en filmactrice, regisseur en sjriefster, die 'n carrière had vaan zoen 75 jaor, vaan 1912 in geluidloeze films bis 1987. Gish woort de First Lady of American Cinema geneump umtot zie de ierste actrice waor die 'n soortgelieke status deilde mèt groete stare vaan de allewijl Amerikaanse filmwereld.
Zie waor 'n prominènt filmstaart in de tiener en twinteger jaor vaan de 20e iew, veural geassocieerd mèt films vaan de regisseur D.W. Griffith, wie häöre leiende rol in eine vaan de bekinste geluidloeze films oets, Birth of a Nation oet 1915. Mer ouch in Broken Blossoms (1919) en Way Down East (1920) Häör geluidsfilms waore sporadisch mer 't waor al gans get tot 'n "geluidloes actrice" euverleefde in de nui filmwereld. Dat waor veur de meiste acteurs en actrices neet weggelag. Zie sloot häör carrière aof mèt de bekinde film The Whales of August, oet 1987.
Zie hiemelde in häöre slaop vaan 'nen hartaonval op häör 99e. Zie is bezörg neve häör zöster Dorothy bij de Saint Bartholomew's Episcopal Church in New York City. Häöre staot waor e paar mieljoen dollars weerd, en 't meiste daovaan góng nao de creatie vaan de Dorothy and Lillian Gish Prize: 'ne pries jaorleks gesjoonke aon iemes dee "...de wereld 'n oeting vaan sjoenegheid rieker heet gemaak".[3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.