![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/b2/JanMans20040914.jpg/640px-JanMans20040914.jpg&w=640&q=50)
Jan Mans
From Wikipedia, the free encyclopedia
Jan Mans (Heerle, 9 aprèl 1940 - Meerse, 18 fibberwarie 2021) waor 'ne Nederlands-Limbörgse politicus veur de PvdA. Heer heet versjèllende börgemeistersposte in en boete Limbörg bekleid.
- Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Heëlesj, es te dit dialek sjpriks.
![Thumb image](http://upload.wikimedia.org/wikipedia/commons/thumb/b/b2/JanMans20040914.jpg/320px-JanMans20040914.jpg)
Mans studeerde sociologie in Nimwege. Nao zien studie wèrkde heer iers es docent aon de KMA.[1] Heer woort lid vaan de PPR,[1] later vaan de PvdA. In 1982 woort heer beneump tot börgemeister vaan Meerse, wat heer zes jaor laank bleef. Vaan 1989 tot 1994 had heer dezelfde functie in Kèrkraoj, daonao deende heer in Enschede (provincie Overijssel) twie ambstermijne. In die functie maakden heer in 2000 de vuurwerkramp mèt. Heer woort geprijs veur zien actie nao de ramp, meh kraog later ouch kritiek veur de vergönninge die heer 't febrik rösteg had gegeve.
Door zien optrejje in Enschede woort heer de lèste jaore vaan ziene loupbaon dèks es crisismanager gevraog, um örges ad interim te bestudere of probleme op te losse. In mei 2005 woort heer woernummend börgemeister in Venlo, in oktober vaan datzelfde jaor in Zaanstad (provincie Noord-Holland). Vaanaof aprèl 2006 waor heer e paar jaor inactief es politicus; in deen tied vervölde heer wel de functie vaan veurzitter vaan de Kamer vaan Kouphandel in Noord- en Zuid-Limbörg. Ouch waor heer d'n opriechter vaan de stiechting Bestuurlek Nètwerk Crisisbehiersing, wat in 2007 opgóng in 't Nederlands Genootsjap veur Börgemeisters.
Op 15 januari 2010[2] kierden 'r in de gemeintepolitiek trök wie gouverneur Léon Frissen häöm beneumde tot woernummend börgemeister vaan Mestreech. Heer volgde dao ad interim Gerd Leers op, dee einen daag ieder um e sjendaol waor trökgetrooje. Vaanaof 1 fibberwarie 2011 is heer obbenuits interim-börgemeister, noe in Moerdijk. Dao volg 'r Wim Denie op, dee aoftrooj nao de giframp in zien gemeinte.[3] In 2012 bekleide heer zoe'ne zelfde pos in Gouda. 't Jaor dao-op waor heer nog informateur in Meerse naotot dao 't colleesj waor gevalle.
Mans storf begin 2021 aon 'n neet wijer geneumde krenkde.[4]