Moerdijk (gemeinte)
From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![Thumb image](http://upload.wikimedia.org/wikipedia/commons/thumb/9/91/LocatieMoerdijk.png/220px-LocatieMoerdijk.png)
Moerdijk is 'n gemeinte in de Nederlandse provincie Noord-Braobant, in de Noordweshook, mèt 'n inwoeneraontal vaan (31 miert 2015) 36.755 en 'n oppervlak vaan 180 km². De gemeinte is op 1 januari 1997 oontstande es fusiegemeinte oet de aw gemeintes Fijnaart en Heijningen, Klundert, Standdaarbuiten, Willemstad en Zevenbergen (raodhoes), die me noe es kerne behandeld. Daoneve gief 't nog mie dörper wie Moerdijk, Fijnaart, Heijningen, Helwijk en Zevenbergschen Hoek. Tot 1 januari 1998 hètde de gemeinte Zevenbergen.
In de gemeinte weurt väöl landbouw bedreve, meh tösse Standdaarbuiten en Moerdijk ligk e groet industriecomplex mèt zelfs 'n ziehave. Toerisme vint plaots in 't historisch stedsje Willemstad. 't Gebeed vaan de huiege gemeinte Moerdijk woort in de zeventiende iew ingepolderd door Hollandse opdrachgevers; daodoor is de bevolking protestants en sprik me Hollandse, neet Braobantse, dialecte.