From Wikipedia, the free encyclopedia
Агъа Къартас (урус. Ашага Картас) — Дагъустан республикадин СтӀал Сулейман районда авай, «Уллугъетягърин» хуьруьнсоветдик акатзавай хуьр.
Хуьр
|
Хуьр СтӀал Сулейман райондин кьибле пата, райондин юкь тир Кьасумхуьрелай 5,2 км агъа пата чка кьунвайди я. Патав галай хуьр: Вини Къартас.
Хуьруьн тарихдин «Къартас» тӀвар, хуьруьнэгьлийри дегь Карс шегьердик кутӀунзава.
1839 йисуз Агъа Къартас вири Куьре округдихъ галаз Урусат империядин гъилик акатзава. Империядик квай чӀавуз, хуьр Дагъустан вилаятдин Куьре округдин Гуьней наибвалдиз талукь тир.
1930 - йисара ина колхоз арадал гъанвай ва садлагьай мектеб эцигнай. Хуьруьнэгьлияр лежбервилинни малдарвилин крарал алахънавай. 1966 йисуз хуьруьн агьалийрин са пай Мегьарамдхуьруьн райондин Советский хуьруьз, муькуь пайни Кьасумхуьруьз куьч хьанвай. 1970 йисуз Агъа Къартасрин чилерал 91 майишат амай ва агьалийрин кьадар 398 кас тир.
Алай чӀавуз хуьре 51 кӀвале 216 кас яшамиш жезва. Агьалидин вири лезгияр, суьнни - мусурманар я. 1886 йисан агьалияр сиягьдиз къачунин нетижайриз килигна, хуьре 96 кӀвал авай, агьалийрин кьадар 544 кас тир: 250 итим ва 294 паб. [1]
Хуьруьнвияр лезги чӀалан куьре нугъатдик акатзавай гуьней агъа - нугъатдал рахазвайди я.
Хуьре тамам тушир кьулан мектеб, культурадин КӀвал, медпункт крарик ква.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.