From Wikipedia, the free encyclopedia
De Paul Van Hoeydonck , gebuer den 8. Oktober 1925 zu Antwerpen, ass e belsche Kënschtler, deen ë. a. Molereien, Zeechnungen, Collagen, Skulpturen a Graphike geschaf huet.
Paul Van Hoeydonck | |
---|---|
![]() | |
Gebuer |
8. Oktober 1925 Antwerpen |
Nationalitéit | Belsch |
Aktivitéit | Moler, Sculpteur, visuelle Kënschtler |
![]() |
Hien ass deen éischten a bis ewell eenzege Kënschtler, vun deem et e Konschtwierk um Mound gëtt.
1971 huet de Paul Van Hoeydonck e Konschtwierk geschaf, dat e Fallen Astronaut genannt huet. Et ass dëst eng kleng Aluminiums-Skulptur vu ronn 8,5 cm vun engem schematisiéierten Astronaut. Se gouf vun der Moundmissioun Apollo 15 mat op de Mound geholl an do an de sougenannten Hadley-Apenninen op de Moundbuedem geluecht. Allerdéngs hunn d'Astronauten David Scott an James Irwin nieft d'Skulptur och eng Plack opgestallt, op där d'Nimm vun den 8 amerikaneschen Astronauten a 6 sowjetesche Kosmonaute stinn, déi bei Raum- oder Moundflich (oder Trainingsflich) ëm d'Liewe koumen. Den Hoeydonck ass dat vun der Plack eréischt nodréiglech gewuer ginn, a war net frou iwwer déi Ëmdeitung vu sengem Wierk, dat fir hien ursprénglech den Opbroch no neie Welten hätt solle symboliséieren[1].
Eng Kopie vum Fallen Astronaut ass ë. a. am Euro Space Center zu Transinne an am Musée fir modern Konscht zu Oostende ze gesinn.
Do donieft huet hien eng ganz Rëtsch aner Konschtwierker geschaf, déi haut Deel vu wichtege Kollektiounen a Muséeën an Europa an Amerika sinn.