Maurice Garin

De Maurice Garin, gebuer den 3. Mäerz 1871 zu Arvier an Italien, a gestuerwen den 19. Februar 1957 zu Lens, war e franséische Vëlossportler an Tour de France Gewënner

Maurice Garin
Gebuer	3. Mäerz 1871
Gestuerwen	19. Februar 1957 Lens
Nationalitéit	Kinnekräich Italien, Frankräich
Aktivitéit	Vëlossportler
Veräin/Ekipp	La Française
Huet matgemaach bei	Tour de France 1903

De Maurice Garin (1897)

De Garin mat sengem Masseur a sengem Bouf 1903

Biographie

De Maurice Garin war Italieener, hat sech awer als Fransous naturaliséiere gelooss. Vu Beruff war hie Schaarschtechbotzert, wat him de Spëtznumm petit ramoneur abruecht huet. Seng Gréisst, 1,62 m fir 60 kg, huet him och nach d'Spëtznimm le petit matelot a le bouledogue blanc vermaach.

Hie gouf säi Beruff op fir Vëloscoureur ze ginn, a mat 32 Joer gewënnt hien 1903 den Tour de France, deen dat Joer fir d'éischt gefuer gouf. Beim Tour vun 1904 gëtt hien op zweiwelhaft Aussoen hin deklasséiert an e gëtt fir zwee Joer suspendéiert.

Doropshin hält hie mam Vëlossport op, an installéiert sech zu Lens als Vëloshändler a Mecanicien, bis zu sengem Doud den 19. Februar 1957.

Nom Zweete Weltkrich grënnt hien d'Ekipp Garin. Hir Faarwe si rout a wäiss an den Hollänner Piet Van Est gewënnt ënner dëse Farwen 1950 an 1952 Bordeaux–Paräis

De Maurice hat zwéi Bridder, déi och Course gefuer sinn:

• Den Ambroise, 2. am Paris-Roubaix 1901, 3. am Joer 1899, an 3. bei Bordeaux-Paräis 1902.
• Den César, 2. am Paris-Roubaix 1904, an 3. am Bordeaux - Paräis 1900.

1997 gouf hien an d'Lëscht vun de Gloires du sport opgeholl.

Palmarès

• 1893: Dinant - Namur - Dinant
• 1893: Huit cents kilomètres de Paris (op der Pist)
• 1894: Vingt-quatre heures de Liège (op der Pist)
• 1894: Prix d'Avesnes-sur-Helpe
• 1895: Vingt-quatre heures des Arts libéraux de Paris (op der Pist)
• 1895: Guingamp - Morlaix - Guingamp
• 1894: Paris-Saint-Malo
• 1895: Weltrekord op 500 km op der Strooss hanner engem Hues: 15 h 02' 32", tëscht dem 3. a 4. Februar
• 1896: Paris-Le Mans
• 1896: Paris-Mons
• 1896: Liège-Thuin
• 1896: 3. am Paris-Roubaix
• 1897: Paris-Roubaix
• 1897: Paris-Royan
• 1897: Paris-Cabourg
• 1897: Tourcoing - Béthune - Tourcoing
• 1898: Paris-Roubaix
• 1898: Tourcoing - Béthune - Tourcoing
• 1898: Valenciennes-Nouvion-Valenciennes
• 1898: Douai-Doullens-Douai
• 1898: Cinquante kilomètres d'Ostende (op der Pist)
• 1898: 2. am Bordeaux–Paräis
• 1899: 3. am Bordeaux-Paräis
• 1899: 3. am Bol d'Or (op der Pist)
• 1900: 2. am Bordeaux-Paräis
• 1900: 2. am Bol d'Or
• 1900: 3. am Paris-Roubaix
• 1901: Paris-Brest-Paris
• 1902: Bordeaux-Paräis
• 1903: Tour de France + 3 Etappen
• 1904: 1. am Tour de France, deklasséiert no 4 Méint well e sollt gefuddelt hunn op Zeienaussoen hin, déi net ganz glafwierdeg waren. Hie bestreit dat och vehement säi ganzt Liewe laang. Op deem Tour hat hien zwou Etappe gewonnen.

Um Spaweck

Commons: Maurice Garin – Biller, Videoen oder Audiodateien

• Artikel iwwer de Maurice Garin an L'Alsace Le Pays (fr)
• De Maurice Garin op der Websäit vu Mémoire du cyclisme (fr)
• De Maurice Garin op der Websäit vum Museo del Ciclismo "Gino Bartali" (it)