Remove ads
De Jules-Auguste Lemire, gebuer den 23. Abrëll 1853 zu Vieux-Berquin am Departement Nord, Frankräich, a gestuerwen de 7. Mäerz 1928 zu Hazebrouck am selwechten Departement, war e franséische Geeschtlechen a Politiker.
| Jules-Auguste Lemire | |
|---|---|
 | |
| Gebuer |
23. Abrëll 1853 Vieux-Berquin |
| Gestuerwen |
7. Mäerz 1928 Hazebrouck |
| Nationalitéit | Frankräich |
| Aktivitéit | Politiker, Enseignant, Buergermeeschter |
 | |
De Jules-Auguste Lemire gouf an engem klengen Duerf bei Hazebrouck gebuer, wou seng Elteren e klenge Bauerenhaff haten. Hien hat zwou Schwësteren an zwéi Bridder. Seng Mamm ass gestuerwe wéi hien eréischt aacht Joer al war an hien ass vu sengen Tattae groussgezillt ginn. Hien huet 1872 seng Première gemaach a gouf 1878 Paschtouer zu Hazebrouck. Am Collège Saint-François-d’Assise huet hien ënnert der Leedung vum Jacques Dehaene Latäin, Griichesch, Philosophie a Poesie enseignéiert.
De jonke Lemire gouf vun der kathoulescher Dageszeitung L'Univers a vum ultramontanistesche Kardinol Louis-Édouard Pie beaflosst an huet och ugefaangen dem potentiellen Trounpretendant Henri d'Artois (Grof vu Chambord) nozelauschteren an huet souguer mat der lokaler legitimistescher Zeitung Écho de la Flandre zesummegeschafft. Wéi en ëm déi 40 Joer al war, huet hien eng Versönung vun der Kierch mat den Aarbechterklassen ugestrieft, op Basis vun engem Modell vum soziale Katholizismus, dee vum Kardinol Henry Edward Manning gegrënnt gi war.
De Lemire ass uganks bei de kierchlechen Autoritéiten als eng vun den aussergewéinleche Figure vun der Chrëschtdemokratie ugesi ginn. Bis zum Kongress vu Bourges (bei deem d'CGT en 8-Stonnen-Dag an e wëchentleche Roudag gefuerdert huet) gouf hien 1893 an 1898 als Deputéierte gewielt, ouni op kathoulesch Oppositioun ze stoussen. Hie war en Ënnerstëtzer vun der Politik vum Pierre Waldeck-Rousseau an obschonn hie sech géint déi vum Émile Combes widdersat huet, huet de Lemire fir d'Gesetz iwwer d'Trennung vu Kierch a Staat vun 1905 gestëmmt. Seng Situatioun géintiwwer senger Hierarchie ass doduerch ëmmer méi schwéier ginn, hie gouf awer 1902 an 1906 als Deputéierten erëmgewielt.
Bei de Legislativwalen am Nord vun 1910 gouf hie fir d'éischt Kéier mat de Stëmme vun de Republikaner a géint de kathoulesche Konkurrent Pierre Margerin de Metz, am Bezierk Hazebrouck gewielt. Den Alexis-Armand Charost, Bëschof vu Lille, huet dem Lemire doropshi verbuede sech nach eng Kéier opzesetzen. De Lemire huet sech trotzdeem fir d'Walen 1914 nees opsetze gelooss a gouf och zeréckgewielt. Hie gouf doropshi vum Bëschof suspendéiert. Kuerz drop gouf hien trotz allem zum Buergermeeschter vun Hazebrouck gewielt. De Poopst Benedikt XV. huet d'Suspensioun 1916 opgehuewen.
Fir säi Verhalen am Krich krut hien d'Auszeechnung vum Ritter vun der Légion d'honneur a vum Ritter vum Ordre de Léopold vun der Belsch.
1924 huet de Lemire sech op d'Säit vun der radikaler Lénk geschloen. Hie hie blouf Buergermeeschter vun Hazebrouck an Deputéierte fir den Nord bis zu sengem Doud de 7. Mäerz 1928.
De Jules-Auguste Lemire huet sech Zäit senges Liewens géint d'Doudesstrof agesat, grad ewéi fir d'Begrenzung vun der Aarbechtszäit op eelef Stonnen den Dag, fir d'Reguléierung vun der Nuetsaarbecht fir Fraen a Kanner, fir eng wéchentlech Rouzäit, fir Familljegeld a géint d'Duebelmandater vun de Gewielten.
1910 huet hien eng Wochenzeitung, Le Cri des Flandres, publizéiert.
Remove ads
D'Entwécklung vun de Familljegäert (och nach Aarbechtergäert, (fr) jardins ouvriers) a Frankräich geet op de Jules-Auguste Lemire zeréck; 1896 huet hien déi franséisch Ligue française du Coin de Terre et du Foyer gegrënnt, aus där méi spéit d'Fédération nationale des jardins familiaux et collectifs entstanen ass. 1926 huet hien zu Lëtzebuerg den Office international des jardins ouvriers gegrënnt[1]. Als Erënnerung doru gouf eng Plack am Cercle an der Stad festgemaach[2].
.jpg)
Fir den 100. Anniversaire vun den Aarbechtergäert ze feieren, gouf 1996 eng Rous geziicht, déi nom Lemire genannt gouf: d'Rous Abbé-Lemire.
Fir un de Jules-Auguste Lemire z'erënneren, goufen eng Rëtsch Stroossen no him genannt:
- Zu Lëtzebuerg
- Rue Abbé Lemire zu Diddeleng,
- Rue Abbé Jules Lemire zu Esch-Uelzecht,
- Rue Lemire um Belair an der Stad Lëtzebuerg[3].
- A Frankräich
- Rue Abbé Lemire zu Halluin
- Rue Abbé Lemire zu Caluire-et-Cuire
- Rue Abbé Lemire zu Valognes
- Rue de l'Abbé Lemire zu Hem
- Rue de l'Abbé Lemire zu Mons-en-Barœul
- Rue de l'Abbé Lemire zu Mouvaux
- Rue de l'Abbé Lemire zu Wasquehal
- Rue de l'Abbé Lemire zu Tourcoing
- Rue de l'Abbé Lemire zu Neuville-en-Ferrain
- Rue de l'Abbé Lemire zu Villeneuve-d'Ascq
- Rue de l'Abbé Lemire zu Roncq
- Rue de l'Abbé Lemire zu Darnétal
- Rue de l'Abbé Lemire zu Criquetot-sur-Ouville
- Rue de l'Abbé Jules Lemire zu Toulouse
- Rue Lemire zu Saint-Avold
- Rue Lemire Zu Saint-Léger-aux-Bois
Remove ads
| Commons: Jules-Auguste Lemire – Biller, Videoen oder Audiodateien |
- (fr)Conférences Conférence internationale des Ligues des Jardins Ouvriers. L'indépendance luxembourgeoise, 56. Jg., nº 277, S. 2. (04.10.1926). Gekuckt de(n) 13.10.2024.
- (fr)Um Manifestation en l'honneur de l'Abbé Lemire à Luxembourg. Luxemburger Wort, 1930. Jg., nº 143, S. 12 (23.05.1930). Gekuckt de(n) 13.10.2024.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads