De Jean-Pierre Calteux, gebuer den 12. Juni 1911 an der Stad Lëtzebuerg, an och do den 9. Oktober 1983 gestuerwen, war e lëtzebuergesche Moler a Graphiker.
| Jean-Pierre Calteux | |
|---|---|
| Gebuer |
12. Juni 1911 Lëtzebuerg |
| Gestuerwen |
9. Oktober 1983 Lëtzebuerg |
| Nationalitéit | Lëtzebuerg |
| Aktivitéit | Moler |
 | |
No der Primärschoul zu Bouneweg, huet hien eng Léier als Schräiner an der Handwierkerschoul ugefaangen. Duerch ee graven Accident am Schoulatelier, woubäi hie seng riets Hand verluer huet, huet hie missen een neie Beruff aschloen. Spontan huet hie sech fir d'Molerei decidéiert. Nom Ofschloss vu senge Studien an der Handwierkerschoul ass hien op d'École des arts décoratifs de Strasbourg gaangen, wou hien no dräi Joer mat Mentioun seng Etüde bestanen huet. 1935 gouf hie Professer an der Handwierkerschoul.
Am Ufank vu senger Kënschtlercarrière ass hien als Grafiker opgefall. Plakater fir Evenementer[1] a souguer den zweete Fändel vun der Bouneweger Fanfare droe seng Ënnerschrëft[2].
1939 huet hien zesumme mam Félix Glatz an dem Jean-Pierre Beckius een 130 Quadratmeter grousse Panneau mat dem flaache Land an der Muselgéigend fir de Lëtzebuerger Pavillon vun der Weltausstellung zu New York entworf.[3].
Nom Zweete Weltkrich huet hie sech ëmmer méi mat der Molerei ofginn. Op villen Ausstellungen huet hie mat groussem Succès seng Aquarellen a Gouachë presentéiert. Wat d'Motiver ubelaangt war hie breet opgestallt, mat Landschaften, Portraiten an Nature-mortën. Virun allem ass hien haut nach duerch seng Blummemotiver bekannt.
- 1954 krut hien, zesumme mam Henri Dillenburg, de Prix Grand-Duc Adolphe.
- Chevalier vum Ordre de la couronne de chêne (Promotioun 1960)[4]
- Léon Berchem Lëtzebuerger Revue 1948 N°2 Säite 48 bis 49 mat 9 Biller
- Memorial N°17 vum 11. Mäerz 1960 mat enger Lëscht vu Leit déi am Ordre de la couronne de chêne dekoréiert goufen
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
