Grondschoul (école fondamentale) ass den Numm vun engem Deel vum obligatoresche Schoulunterrecht zu Lëtzebuerg. Si ass duerch e Gesetz vum 21. Januar 2009 agefouert ginn, a setzt sech zesummen aus der fréierer Virschoul (Spillschoul) a Primärschoul.
D'Grondschoul ass obligatoresch fir d'Kanner vu 4 Joer un a setzt sech aus 4 Zyklen zesummen (amplaz, wéi fréier, aus Schouljoren).
Den 1. Zyklus ass fir Kanner vun 3-5 Joer, deen 2. fir déi vu 6-7 Joer, deen 3. fir déi vun 8-9 Joer an dee 4. fir déi vun 10-11 Joer (Alter bei der Rentrée).
Fir vun engem Zyklus an deen nächsten ze kommen (bei deene meeschten all 2 Joer), muss d'Kand déi néideg Kompetenzen (e sougenannte "Kompetenzsockel", dee genee definéiert ass) noweisen.[1] Déi ginn am Laf vum Joer an um Schluss vun den Zyklen evaluéiert.
Dat neit Schoulgesetz huet och d'Organisatioun vum Léierpersonal an de Schoule reforméiert; d'Enseignante mussen an Ekippen zesummeschaffen an d'Schoule gi vun engem Schoulcomité mat un der Spëtzt engem President dirigéiert.
Fir d'Schouljoer 2009-2010 ass de System a Kraaft getrueden.
- "La nouvelle École fondamentale" um Site vum Erzéiungsministère.
- Lois et règlements grands-ducaux concernant l'enseignement fondamental. Législation.
- wëssen, kënnen, wëllen: l'approche par competences Archivéiert de(n) 25.11.2009. Gekuckt de(n) 11.09.2009.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
