Heim ins Reich (Film)
Film vum Claude Lahr aus dem Joer 2004 From Wikipedia, the free encyclopedia
Film vum Claude Lahr aus dem Joer 2004 From Wikipedia, the free encyclopedia
Heim ins Reich - Wéi Lëtzebuerg sollt preisesch ginn ass en Dokumentarfilm vun 2004 iwwer d'Zäit vun 1940-1944 zu Lëtzebuerg, wéi dat vun Nazi-Däitschland besat war.
.jpg) | |
| Film | |
|---|---|
| Produktiounsland | Lëtzebuerg |
| Produktiounsjoer | 2004 |
| Première | 2004 |
| Dauer | 120 min |
| Faarf | Faarweg |
| Originalsprooch | Lëtzebuergesch |
| Ekipp | |
| Regie | Claude Lahr |
| Dréibuch |
Claude Lahr Willy Perelsztejn |
| Fotografie | Stéphane Patti |
| Musek | André Dziezuk |
| Produzent |
Nowhere Land Willy Perelsztejn Centre national de l'audiovisuel Les films de la mémoire |
| Schauspiller | |
|
(an de Spillszenen) Marcel Heintz Gilles Dazzan Pitt Max Cliff Schmit John Gerten Thierry Simonelli | |
Filmportal - Filmer no Joren - Film no Länner - Film no Genre  | |
Den Titel baséiert um Slogan Heim ins Reich vun der Volksdeutscher Bewegung, mat deem dës den Uschloss un Däitschland propagéiert huet.
De Kader bilden d'Onofhängegkeetsfeierlechkeeten vun 1939 an d'Zeréckkomme vun der Grande-Duchesse Charlotte aus dem Exil. Unhand vun den Témoignage vun iwwer 20 Zäitzeien, Filmopname vun deemools, Fotoen an nogespillten Zeene beschreift de Film, wéi nom Iwwerfall d'Nazie probéiert hunn, am Ufank mat Propagandagetéins, duerno ëmmer méi mat Terrormethoden, d'Lëtzebuerger dovun z'iwwerzeegen, datt si Heim ins Reich gehéiere géifen, an d'Reaktiounen dorop. Et gëtt erzielt wéi eng Minoritéit sech no an no aktiv an der Resistenz organiséiert, eng aner Minoritéit kollaboréiert huet, an de groussen Deel vun der Bevëlkerung probéiert huet, sech sou gutt wéi méiglech duerchzeschloen, ouni sech ze kompromettéieren. Thematiséiert ginn och d'Anzéie vun de Lëtzebuerger an d'Wehrmacht, d'Ëmsiidlung, an d'Deportatioun an Ermuerdung vun de Lëtzebuerger Judden.
Am Film kommen eng Rei Zäitzeien zu Wuert: Josy Fellens, Victor Fischbach, Yvonne Frisch-Urbany, Roger Gaspart, Erny Gillen, Emile Hemmen, Jos Hittesdorf, Bernard Jacobs, Michel Jans, Gaston Junck, Pierre Kergen, Nicolas Koob, Margot Kremer-Engel, Berthe Linster, Paul Margue, Ady Mergen, Jos Meunier, Julien Meyer, Aloyse Schiltz, Josy Schlang, Hélène Schmitt-Flammang a Madeleine Weis-Bauler.
De Film war e grousse Succès: 25.239 Leit hunn en zu Lëtzebuerg am Kino gesinn,[1] e puer Woche war en Nr. 1 am Box Office. Den Ënnertitel vun der franséischer Versioun ass "L'échec d'une annexion". Et gëtt eng gekierzt Versioun vum Film vun enger knapper Stonn, déi op der belscher Televisioun gewise gouf.
De Film gëtt et och an der kompletter Fassung op DVD. 2005 goufen 1.250 Kopien op DVD verkaaft; domat war Heim ins Reich an deem Joer de meeschtverkaafte lëtzebuergesche Film op Kassett oder DVD.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
