Friddensvertrag (1748) From Wikipedia, the free encyclopedia
Den Traité vun Oochen oder Fridde vun Ooochen vum 18. Oktober 1748 markéiert d'Enn vum Éisträicheschen Ierffollegkrich an deem Groussbritannien, Éisträich, an Holland an enger Koalitioun géint Frankräich, Preisen, Bayern, Spuenien, Sachsen, Schweden, Neapel, d'Kurpfalz a Kurköln gekämpft hunn.
De Friddenskongress an der fräier Räichsstad Oochen huet vum 24. Abrëll bis den 18. Oktober 1748 gedauert, wou dann de Fridde schlussendlech ënnerschriwwe gouf. Bei de Verhandlunge ware besonnesch d'Fransousen an d'Englänner virbäi, hir Alliéiert hu sech hinnen ugeschloss.
Iwwer den Handelskrich tëscht England a Frankräich a Westindien, Afrika an an Indien gëtt kee Wuert verluer, soudatt dëse Vertrag scho keng Basis fir e Fridden op Dauer konnt bidden. D'Majoritéit vun de Fransouse war vum Traité och net wierklech begeeschtert, well hirer Meenung no ze vill onnéideg Konzessioune gemaach goufen (virun allem d'Eruewerung vu praktesch ganz Holland duerch de Moritz vu Sachsen, Lännereien déi integral nees un Éisträich zeréckgaange sinn). Zu Paräis héiert een déizäit dacks den Aussproch "bête comme la paix".
Ëmmerhi konnt den Traité vun Oochen awer eng gewësse Stabilitéit an Italie bréngen. D'Klausele vum Traité wat d'Lännereien an d'Grenzen an Italie betrëfft, bleiwe bis zu de Koalitiounskricher (1792) bestoen.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
